ବିବାହ

ଦୁଇଟି ଆତ୍ମାର ପବିତ୍ର ମିଳନ

ହୋଇଥାଏ ବିବାହରେ ।

ସାତ ଜନମକୁ ବନ୍ଧା ଏ ସମ୍ପର୍କ

ରହିଛି ଲୋକ କଥାରେ । ୧।

ବିବାହ ସମ୍ପର୍କ କେଡେ ମହୀୟାନ

ପବିତ୍ର ସମ୍ପର୍କ ଏହା ।

ସୁସ୍ଥ ସମାଜର ସୁସ୍ଥ ପରମ୍ପରା

ଚଳି ଆସିଅଛି ଯାହା ।୨।

ପୁରୁଷ ଓ ନାରୀ ବିବାହ ବନ୍ଧନେ

ରହନ୍ତି ଆବଦ୍ଧ ହୋଇ ।

ଏକ ଆରେକର ସହଯୋଗୀ ହୋଇ

ନିଅନ୍ତି ଜୀବନ ବାହି ।୩।

ଘର ପରିବାର ସୁଖରେ ଚଳାନ୍ତି

ଦୁହେଁ ହେଲେ ଏକ ମନ ।

ଅଶାନ୍ତିର ଝଡ ମାଡି ଆସିଥାଏ

ହୁଅନ୍ତି ଯଦି ବିମନ ।୪।

ସୁସ୍ଥ ପରିବେଶ ସୃଷ୍ଟି ହୋଇଥାଏ

ସୁଖୀ ହୁଏ ପରିବାର ।

ଉଭୟଙ୍କ ମଧ୍ଯେ ବୁଝାମଣା ଥିଲେ

ପାଆନ୍ତି ଦୁହେଁ ଆଦର ।୫।

ବନ୍ଧୁ ପରିଜନ ସନ୍ତାନ ସନ୍ତତି

ସଭିଙ୍କୁ କରି ଆଦର ।

ପବିତ୍ର ବିବାହ ବନ୍ଧନ ଦିଅଇ

ଗତି ମୁକତି ଆବର ।୬।

ଚତୁର୍ବର୍ଗ ଫଳ ଧର୍ମ ଅର୍ଥ କାମ

ମୋକ୍ଷ ମିଳେ ବିବାହରେ।

ସଂସାର ସାଗର ତରିବା ସୁଗମ

ହୋଇଥାଏ ସହଜରେ। ୭।