ଭକ୍ତି ଅର୍ଘ୍ୟ - ୩

ନିଃଶ୍ୱାସରେ ତୁମେ ପ୍ରଶ୍ଵାସରେ ତୁମେ

ତୁମେ ରକ୍ତ କଣିକାରେ 

ଆଶକ୍ତିରେ ତୁମେ ଆଶ୍ୱସ୍ତିରେ ତୁମେ

ତୁମେ ପ୍ରତିଟି ଲୋମରେ ।

ଅଶାନ୍ତି ରେ ତୁମେ ପ୍ରଶାନ୍ତି ରେ ତୁମେ

ତୁମେ ମୋ ଉପଲବ୍ଧିରେ

ନିରବରେ ତୁମେ ଶରବ୍ୟରେ ତୁମେ

ତୁମେ ମୋ ହୃଦ କୋଣରେ ।

ବିବେକରେ ତୁମେ ଆବେଗରେ ତୁମେ

ତୁମେ ମୋ ପ୍ରବଣତାରେ

ସମସ୍ୟାରେ ତୁମେ ସମାଧାନେ ତୁମେ

ତୁମେ ବିଶ୍ୱାସ ବୋଧରେ ।

ପ୍ରେମରେ ବି ତୁମେ ଧୋକା ରେ ବି ତୁମେ

ତୁମେ ମୋ ଦୃଷ୍ଟି କୋଣରେ

ଅଜ୍ଞତାରେ ତୁମେ ପ୍ରାଜ୍ଞତାରେ ତୁମେ

ତୁମେ ମୋ ଚତୁର୍ଦ୍ଦିଗରେ ।

ତୁମେ ମୋ ଆଶାରେ ତୁମେ ମୋ ଭାଷାରେ

ତୁମେ ନିରବ ଧ୍ୟାନ ରେ

ତୁମେ ଚତୁର୍ଦ୍ଦିଗେ ଖାଲି ତୁମେ ତୁମେ

ତୁମେ ମାନସ ପଟରେ ।

ତୁମେ ମୋ ପ୍ରିତୀରେ ତୁମେ ମୋ ଗିତୀରେ

ତୁମେ ମୋ ମନ ବୀଣାରେ

ତୁମେ ମୋ ଆପ୍ତିରେ ତୁମେ ମୋ ପ୍ରାପ୍ତିରେ

ତୁମେ ମୋର ବିରହରେ ।

ସପନରେ ତୁମେ ଅନୁଭବେ ତୁମେ

ତୁମେ ମନ ମସ୍ତିଷ୍କରେ

ତୁମେ ମୋ ଚେତନା ତୁମେ ଆରାଧନା

ଶରଣ ତୁମ ପୟରେ ।