ସ୍ୱାଗତ ହେ ନୂଆ ବରଷ 2024
ସ୍ୱାଗତ ହେ ନୂଆ ବରଷ 2024
ଆସିଛି ନୂଆ ବରଷ ଦେବାକୁ ମନେ ହରଷ
ସ୍ୱାଗତ କରିବା ଆସ ବର୍ଷ ଚବିଶି
ନୂଆ ଆଶା ଉଦ୍ଦୀପନା ନୂଆ ବିଶ୍ୱାସ ଭାବନା
ଭରିଦେଉ ପ୍ରାଣେ ପ୍ରାଣେ ପ୍ରୀତି ବରଷି
ସୁଖ ଶାନ୍ତି ବିରାଜ ମାନ
ନୂଆ ବର୍ଷ ଆଣି ଦେଉ ନୂଆ ସପନ
ଜଗତ କଲ୍ୟାଣ ପାଇଁ ଧରାରେ ପ୍ରବେଶ ହୋଇ
ନୂଆ ବରଷ ଆଣିଛି ନୂଆ ସନ୍ଦେଶ
ସବୁ ମାନ ଅଭିମାନ ଭୁଲିଯାଇ ଆମନ୍ତ୍ରଣ
କରିବା ଆନନ୍ଦ ଭରେ ବର୍ଷ ଚବିଶ
ନବ ବର୍ଷ ନବ ରୂପରେ
ଧରା ବକ୍ଷେ ଅବତୀର୍ଣ୍ଣ ହେଲା ସଧିରେ
ସ୍ୱାଗତ ହେ ନବ ବର୍ଷ ଭରି ଦିଅ ପ୍ରାଣେ ହସ
ସବୁ ଦୁଃଖ ଦୂର କର ଏହି ସଂସାରୁ
ଦୁଇ ହଜାର ଚବିଶ ଆନନ୍ଦ ଉଲ୍ଲାସ ବର୍ଷ
ତୁଟି ଯାଉ ହିଂସା ଦ୍ୱେଷ ସବୁ ମନରୁ
ମୋର ଜନ୍ମ ଭୂମି ଭାରତ
ନବୀନ ସୂର୍ଯ୍ୟ ପରଶେ ହେଉ ବିଖ୍ୟାତ
କୃଷି ବାଣିଜ୍ୟ ବିଜ୍ଞାନ ସବୁ କ୍ଷେତ୍ରରେ ମହାନ
ନୂତନ ବର୍ଷ ଆଗମେ ଅଗ୍ରଣୀ ହେଉ
ଶତ୍ରୁ ଭୟ ଦୂର ହୋଇ ଶାନ୍ତି ମାର୍ଗ ଆପଣାଇ
ଶାନ୍ତିର ବାର୍ତ୍ତା ବିତରି ସୁନାମ ପାଉ
କାମନା ଏତିକି ମାତର
ଶାନ୍ତି ମୈତ୍ରୀ ପ୍ରୀତି ଭରି ଦିଅ ଅନ୍ତର ।