♦️ପୁତନା ଅନ୍ତର କଥା♦️
♦️ପୁତନା ଅନ୍ତର କଥା♦️
ରାକ୍ଷସୀ, ପାତକୀ, ପ୍ରାଣ ଘାତିନୀର, ବିଶେଷଣରେ ମୁଁ ବନ୍ୟା
ପୁଣ୍ୟ-ପବିତ୍ରତା ଶୂନ୍ୟ ବୋଲି ମୋର ନାମ ରହିଛି ପୁତନା !
ଅସୂୟା- କଳଙ୍କ କାଳିମାରେ ଲେଖା ମୋ ଜୀବନ ଇତିହାସ
ଜୀବନ ଦାନରେ ଜୀବନକୁ ନେଇ, ମୁଣ୍ଡେଇଛି ଅପଯଶ !
ସମସ୍ତଙ୍କ ପାଇଁ ମୁଁ ସିନା ରାକ୍ଷସୀ କଂସର ଅଭିପ୍ରେରିତ
ହେଲେ ତୁତ କାହ୍ନା ସବୁ ଜାଣିଅଛୁ, ମୋର ଅଭିପ୍ରାୟ ସତ !
ତୋର ସାଥେ ଭାବ ଏ ଜନମେ ନୁହେଁ, ପିଛିଲା ଜନ୍ମରୁ ଅଛି
ମୁଁ ତ ବଳି ରାଜ କନ୍ୟା ରତ୍ନମାଳା ସଭିଙ୍କୁ ଅଜଣା ଅଛି !
ତୋ ବାମନ ରୂପେ ହୋଇ ବିମୋହିତ ଯାଗିଥିଲା ମାତୃ ପ୍ରାଣ
କୋଳେ ଧରି ସ୍ତନ୍ୟ ପାନ ଦେବାପାଇଁ ବଳିଥିଲା ମୋର ମନ !
ଅନ୍ତର୍ଯ୍ୟାମୀ ମୋର ଅନ୍ତରର ଭାବ ପାରିଥିଲ ବୋଲି ଜାଣି
ଏଇ ଜନମରେ ମନ କାମନା ମୋ ପୂରା କଲ ଚକ୍ରପାଣି !
ଦିବ୍ୟ ମାତୃତ୍ୱର ପରଶକୁ ପାଇ ହୋଇଗଲି ଶତ ଧନ୍ୟ
ଅସୁର ଜନ୍ମରୁ ମୁକତି ଲଭି ମୁଁ ପାଇଲି ସରଗ ଧାମ !