ମୋ ଜୀବନ ଚିଠି
ମୋ ଜୀବନ ଚିଠି
ମୁଁ ଯେବେ ଲେଖୁଥିଲି
ମୋ ମନର ଚିଠି
ଲୁଚି ଗଲେ ଜହ୍ନ ତାରା
ଲୁଚି ଗଲା ରାତି ।।
ଝୁରିଝୁରି କଲମର କାଳୀ ସରିଗଲେ
ନିଜ ଅସ୍ତିତ୍ଵକୁ ଖୋଜେ ଆପଣା ମାଟିରେ ।।
ପବନରେ ମିଶିଗଲେ
ଫଗୁଣ ର ସ୍ମୃତି
ପ୍ରେମର ସହର ସାରା
ଉଠିବ ମହକି ।।
କହିବାକୁ ଥିଲା ଯାହା ଆଖି ପଲକରେ
ଭିଜିଗଲା ସେ କାଗଜ ଲୁହର ଧାରରେ ।।
ଲିଭି ଯିବ ଦିନେ ଯେଵେ
ମୋ ଜୀବନ ବତୀ
ମେଘର ଓଢ଼ଣା ତଳେ
ସୂର୍ଯ୍ୟ ଯିଵ ଲୁଚି ।।
ଘୋଟି ଯିବ ସହରରେ ଅମା ଅନ୍ଧକାର
ଶୁଭିବନି ନଈ ଧାରେ ସେ ବଂଶୀର ସୁର ।।