ମମତାଭରା ଦୋଳନ
ମମତାଭରା ଦୋଳନ
କେତେ ନୟନପ୍ରୀତିକର ଗୁଣ ପାଇଛି ଦୋଳାୟିତ ଝୁଲଣ,
କେତେ ଭାଗ୍ୟବନ୍ତ ହୋଇଛି ଥିରିଥିରି ଦୋହଲୁଥିବା ଝୁଲଣ,
ଉଭୟ ପଟକୁ ନିୟମିତ ଭାବେ ଯାହା ଆସେ ଯାଏ କ୍ଷଣକ୍ଷଣ,
ବିରାଜିତ ଜୀବଙ୍କୁ ଅବିରତ ବିଶ୍ରାମ ଦେବାର ନେଇଛି ଯିଏ ପଣ ।
ଅଯୋଧ୍ୟାରେ କୌଶଲ୍ୟା ଖେଳାନ୍ତି ରଘୁନନ୍ଦନଙ୍କ ଝୁଲଣ,
ଗୋକୁଳରେ ରୋହିଣୀ ଝୁଲାନ୍ତି ସହସ୍ରବଦନଙ୍କର ଝୁଲଣ,
ଗୋକୁଳରେ ଯଶୋଦା ଖେଳାନ୍ତି ଯଦୁନନ୍ଦନଙ୍କର ଝୁଲଣ,
ଦୋଳିରେ ସନ୍ତାନର ପ୍ରଫୁଲ୍ଲବଦନ ଜନନୀଙ୍କ ହେତୁ ପାର୍ବଣ ।
ଶିଶୁଙ୍କୁ ମାତା ସତତ ଦିଅନ୍ତି ଅମୃତଭରା ମମତାଭରା ଦୋଳନ,
ଶିଶୁଙ୍କୁ ପିତା ସଦାସର୍ବଦା ଦିଅନ୍ତି ଅମୂଲ୍ୟ ବାତ୍ସଲ୍ୟଭରା ଦୋଳନ,
ନାତି-ନାତୁଣୀଙ୍କୁ ଅଜା-ଆଈ ସଦା ଦିଅନ୍ତି ଅନନ୍ୟ ଆତ୍ମୀୟ ଦୋଳନ,
ନାତି-ନାତୁଣୀଙ୍କୁ ଜେଜେମା ଜେଜେବାପା ଦିଅନ୍ତି ସ୍ନେହଶୀଳ ଦୋଳନ।