ଭଗବାନ, ତୁ କେଉଁଠି?

ପୂଜା କରି ତୋତେ ଗୀର୍ଜା କି ମନ୍ଦିରେ

ବାଡେଇଲି କେତେ ମୁଣ୍ଡ

ମସଜିଦ୍ ଯାଇ ଖୋଜିଲି କେତେ ମୁଁ

ଖୋଲୁନି କାହିଁ ତୋ ତୁଣ୍ଡ।

ଶୁଣିଛି ବିଶ୍ୱରେ ତୋ ଇଙ୍ଗିତ ବିନା

ନ ହେଲେ ଗଛ ,ପତର

ପାଏନା କେ ମୁଠେ ପେଟକୁ ଆହାର

ଦିଏ କେ ଅନ୍ନ ଛତର।

ପାପୀ ଏଠି କରେ ଆନନ୍ଦ,ଉଲ୍ଲାସ

ଚାଷୀକୁ ମିଳଇ ସଜ୍ଜା

ଚୋର, ଖଣ୍ଟ ଖାଏ ସୁନା ବାସନରେ

ସାଧୁକୁ ନ ମିଳେ ଭୁଜା।

ଏତେ ଅସମାନ କାହିଁକି କହ ତୁ

କେତେ ପରଖିବୁ ଆଉ

ସନ୍ତୋଷ ଧନକୁ ପାଆନ୍ତୁ ସଭିଏଁ

ସଂସାରରୁ ଦୁଃଖ ଯାଉ।