ଭାରି ଦୁଃଖ ଲାଗେ
ଭାରି ଦୁଃଖ ଲାଗେ
ଭାରି ଦୁଃଖ ଲାଗେ କହିବା କା'ଆଗେ
ପ୍ରଭୁ ନ ଶୁଣିବ ଯେବେ
ମହାମାରୀ ଦୁଃଖ ହଜାଉଛି ସୁଖ
ଅନ୍ତ ହେବ ଏହା କେବେ ।
ମାନବ ଜୀବନ ନୁହଇ ସମାନ
କେବେ ସୁଖ କେବେ ଦୁଃଖ
ବନ୍ଯା ବାତ୍ଯା ଭୟ କରଇ ଅଥୟ
ରହି ସର୍ବ ଜନ ପାଖ ।
ଧନ ଜନ ମାନ ହୁଅଇ ବିପନ୍ନ
ପ୍ରକୃତି ଖେଳଇ ଯେବେ
ମାନବିକ ଗୁଣ ହୁଏ ଅକାରଣ
ଦୟା,କ୍ଷମା,ପ୍ରେମ ବିନା ।
ଜ୍ଞାନ ବୁଦ୍ଧି ବଳ ଲାଗଇ ବିଫଳ
ନ କଲେ ହିତ ସାଧନା
ଧାର୍ମୀକ ଜନତା ହୋଇଲେ ହିନସ୍ତା
ଦୁଃଖ ବଢ଼ିଯାଏ ଭବେ ।
ଏ ରୋଗ ଯନ୍ତ୍ରଣା ବଢ଼ାଏ ଯାତନା
ରୋଗୀକୁ ଛୁଇଁବା ମନା
ମାନବ ଜୀବନ ହୁଏ ହୀନିମାନ
ଈଶ୍ବର କରୁଣା ବିନା ।
ତୁମେ ଦେଖୁଥିବ ବିପଦ ଆସିବ
କାହାକୁ କହିବା ଏବେ
ବିପଦ ବଢ଼ାଏ ଜୀବନ ହଜାଏ
ମହାମାରୀ ମହାବାତ୍ଯା ।
ଚୋରି ଡକାୟତ ନ ହେଲେ ଆୟତ
ବଢ଼ଇ ଧର୍ଷଣ ହତ୍ଯା
ଦୁଃଖ ଲାଗେ ଦେଖି ହୁଏ ନାହିଁ ରଖି
ବିପଦ ଘୁଞ୍ଚିବ କେବେ ।