ତଥାପି ମୋ ମାଆ କାନ୍ଦୁଛି

କେତେ ସଂଘର୍ଷ କେତେ ବିପ୍ଳବ   

ମୋ ଭାରତ ମାଟିରେ ହେଇଛି

କେତେ ଦେଶପ୍ରେମୀ ଜୀବନ ବଦଳେ

ମୋ ଭାରତ ସ୍ୱାଧୀନ ପାଇଛି

ମୋ ଭାରତ ସିନା ସ୍ୱାଧୀନ ପାଇଲା

ଆଜିବି ଦୁଃଖରେ ରହିଛି

ସନ୍ତ୍ରସ ବାଦୀ ଉଗ୍ରବାଦୀ ଅତ୍ୟାଚାରେ

ମୋ ମାଆ କଲବଲ ହେଉଛି

ମୋ ମାଆର କୋଳରେ ନାରୀଟିଏ ଆଜି

ଘୁରିବୁଲିବାକୁ ଡରୁଛି

ସ୍ୱାଧୀନ ଦେଶରେ ନାରୀସମାଜ

ସତେକି ଖେଳଣା ହେଇଛି

ଯୌତୁକ ଜୁଇରେ ଅବଳା ଏଠାରେ

ଡହଳ ବିକଳ ହେଉଛି

ଏସିଡି ମାଡ଼ରେ କିଏ କେଉଁଠାରେ

ହନ୍ତ ସନ୍ତ ହୋଇ ସଢ଼ୁଛି

କେତେ ନାରୀହତ୍ୟା କେତେ ଭ୍ରୁଣହତ୍ୟା

ନୀତି ଗଣ ମାଧ୍ୟମ କହୁଛି

ଆଜିର ମାନବ ବିକୃତ ମାନସେ

ନାରୀ ମାଂସ ଲୋଭି ହୋଇଛି

ପାଞ୍ଚ ବର୍ଷର କୁନି ଝିଅଟିଏ ବି

ଧର୍ଷଣ ଶିକାର ହେଉଛି

କିଏ ବିଶ୍ୱାସୀ କିଏ ଅବିଶ୍ୱାସୀ

ନାରୀ ପାଇଁ ପ୍ରଶ୍ନ ହୋଇଛି

ରକ୍ଷକ ଆଜି ଭକ୍ଷକ ସାଜି

ନାରୀ ପାଇଁ କଣ୍ଟା ସାଜିଛି

କେମିତି ଚଳିବେ କେମିତି ବଞ୍ଚିବେ

ନାରୀ ଜାତିରେ ଭାଳେଣି ପଡିଛି

ଭାରତ ଆଜି ସ୍ୱାଧୀନ ବୋଲି

ସାରା ବିଶ୍ୱରେ ଡିଣ୍ଡିମ ପଡୁଛି

ଭାରତରେ କୋଳରେ ନାରୀ ଜାତି ଆଜି

ପରାଧୀନ ହୋଇ ରହିଛି

ମୋ ମାଆ ଆଜି ସ୍ୱାଧୀନ ବୋଲି

ଦେଶ ସ୍ଵାଧୀନ ଦିବସ ପାଳୁଛି

ସ୍ୱାଧୀନ ସିନା ପାଇଲା ମୋ ମାଆ

ତଥାପି ମୋ ମା କାନ୍ଦୁଛି