ପାରିବାକି ଜିଣି ହୃଦୟ
ପାରିବାକି ଜିଣି ହୃଦୟ
ପ୍ରସ୍ପୁଟିତ ଫୁଲ ତା'ଠାରୁ କୋମଳ
ଯାହାର ନାମ ହୃଦୟକରି ଆଦରତା ସେନେହ ମମତା
ଏହାକୁ କରିବ ଜୟ ।
ପ୍ରେମପୂର୍ଣ୍ଣ ମନ ମଧୁର ବଚନ
ସର୍ବ ଜନମନ ଟାଣେ
ଦୟା,କ୍ଷମା ଗୁଣ ଥିଲେ ପରିପୂର୍ଣ୍ଣ
ପ୍ରାଣୀଙ୍କ ହୃଦୟ ଜିଣେ
ଆଚାର ବିଚାର ଉତ୍ତମ ସଂସ୍କାର
ସର୍ବଜନ ହେବ ପ୍ରିୟ ।
ଚେତନା ଓ ଚିନ୍ତା ଆଣେ ନୂତନତା
ଯୋଗାଏ ଦିବ୍ଯ ଭାବନା
ସ୍ବଚ୍ଛତାର ମନ ପବିତ୍ର ଜୀବନ
କରେ ମଙ୍ଗଳ କାମନା
ଆପଣା ଓ ପର. ନକରି ବିଚାର
ସେବାରେ ରଖିବ ଲୟ।
ପର ଦୁଃଖେ ଦୁଖି ପର ସୁଖେ ସୁଖି
ନିଜେ ଅନୁଭବ କରି
ଆପଣାର ହେବ ହୃଦୟ ଜିଣିବ
ତ୍ଯାଗପଥ ଅନୁସରି
ସହଯୋଗ ଭାବ ମଧୁର ସ୍ବଭାବ
ପାରିବ ଜିଣି ହୃଦୟ ।