ମାନପତ୍ର ଖେଦ
ମାନପତ୍ର ଖେଦ
କର୍ମେ ଜିଏଁ ନର କର୍ମ ଏକା ତାର
ଜୀବନର ମାନଦଣ୍ଡ
କରମ ନକଲେ ନିଜ ଜୀବନରେ
ଲକ୍ଷ୍ଯ ହୋଇଥାଏ ପଣ୍ଡ ।୧।
ନିନ୍ଦା ପ୍ରଶଂସାର ନାଟକ ଅଟଇ
ଜୀବନର କର୍ମକ୍ଷେତ୍ର
ମାନ ସମ୍ମାନର ପ୍ରତୀକ ହୁଅଇ
ସମ୍ବର୍ଦ୍ଧନା ମାନପତ୍ର ।୨।
ନିଷ୍ଠା ଏକାଗ୍ରତା ସାଧନା ବଳରେ
କର୍ମ ହୁଅଇ ମହାନ
ଏଭଳି କର୍ମରେ ମାନପତ୍ର ଲେଖା
କୃତିତ୍ବର ଜୟଗାନ ।୩।
ଜ୍ଞାନ ଅବା ଗୁଣେ ସେବା ସହଯୋଗେ
କରିବାକୁ ପ୍ରତ୍ସାହନ
ଅତିଥି ଗହଣେ ସଭାମଞ୍ଚ ହୁଏ
ମାନପତ୍ର ପ୍ରଚଳନ।୪।
ପ୍ରମାଣ ପତ୍ରଟି ଜ୍ଞାନ ଚରିତ୍ରର
ପ୍ରମାଣର ପରିଚୟ
ମନବ ଜୀବନେ ମାନପତ୍ର କରେ
ପ୍ରଶଂସାର ଜୟଗାନ ।୫।
ପ୍ରତିଭା ନଥାଇ ସମ୍ମାନ ଖୋଜଇ
ଶୁଣିଲେ ଲାଗେ ବିଚିତ୍ର
ଅଯୋଗ୍ଯ ବ୍ଯକ୍ତିକୁ ସମ୍ମାନିତ କଲେ
ଖେଦ କହେ ମାନପତ୍ର।୬।