ସ୍ବଚ୍ଛ ଭାରତ

ସ୍ବଚ୍ଛତାରେ ରହି   ନିରୋଗ ରହିବା

     ସ୍ବଚ୍ଛ ଭାରତ ଗଢ଼ିବା

ନିଜ ଦେହ ମନ   ସ୍ବଚ୍ଛ ରଖିଥିଲେ

    ସୁଖ ଶାନ୍ତିରେ ରହିବା ।

ନୂଆ ପରିବେଶ   ସୃଷ୍ଟି କରିଯିବା

    ଏହାର ଯତନ ନେବା

ମଇଳା ଦ୍ରବ୍ଯକୁ   ଆବର୍ଜନା କୁଣ୍ଡେ

    ସାବଧାନେ ରଖିଯିବା

ମଳ ମୂତ୍ର ପାଇଁ   ପାଇଖାନା ଗୃହ

    ବ୍ଯବହାର କରୁଥିବା ।

ଗାଆଁ ହେଉ ଅବା   ସହର ହେଉ

    ପରିବେଶ ସଫା ଥିଲେ

ଦେହ ଓ ମନରେ   ପୁଲକ ଯୋଗାଏ

    ଅପାର ଆନନ୍ଦ ମିଳେ

ନିଜ ପରିବେଶ   ସଫା ରଖିବାକୁ

    ନିଜେ ଶପଥ କରିବା ।

ଭାରତ ଦେଶକୁ   ସ୍ବଚ୍ଛତା ରଖିବା

    ସର୍ବେ ସଚେତନ ହେବା

ଖାଇବା ପିନ୍ଧିବା   ବ୍ଯବହାର ଦ୍ରବ୍ଯ

    ପରିଷ୍କାର କରିଯିବା

ଗୃହ,ଅନୁଷ୍ଠାନ,   କାର୍ଯ୍ଯାଳୟ ହେଉ

    ସ୍ବଚ୍ଛତା ସଦା ରଖିବା ।