🌨 ବର୍ଷା ଖେଳୁଛି ଲୁଚକାଳି 🌧

ଲୁଚକାଳି ଖେଳ     ହୁଏ ଭାରି ଭଲ

     ଖେଳଇ ବରଷା ରଣୀ

କେବେ ଦେଖା ଯାଏ     ପୁଣି ଲୁଚି ଯାଏ

     ଆଗରୁ ହୁଏନା ଜାଣି ।

ଉତ୍ତପ୍ତ ଧରଣୀ     ଶୀତଳ ହେଲାଣି

     ପହିଲି ବରଷା ପଡ଼ି

ଚଷାଭାଇ ମନ     ହୁଏ ଛନ ଛନ

     ଶଷ୍ଯ କ୍ଷେତକୁ ସଜାଡ଼ି

ଝଡ଼ି ବରଷାରେ     ନଈ ପୋଖରୀରେ

     ବଢ଼ି ଆସିଲାଣି ପାଣି ।

ହାସ୍ଯ ଲାସ୍ଯମୟୀ     ସେ ଭାରି ସେନେହୀ

     ସୁନ୍ଦର ତାରୂପ ରଙ୍ଗ

ଆକାଶରୁ ଆସେ     ଧରାରେ ବରଷେ

     ବଦଳାଏ ନିଜ ଢଙ୍ଗ

 ଚକମକ ହୋଇ     ବିଜୁଳି ଖେଳଇ

     ଦେଖଇ ଧରଣି ରାଣୀ ।

ଶୀତଳ ପବନ     ବହେ ଘନ ଘନ

     ଅନ୍ଧାର ବି ଆସେ ମାଡ଼ି

 ଦୂର ଆକାଶରେ     ମେଘ ରାଇଜରେ

     ଶୁଭିଲାଣି ଘଡ଼ଘଡ଼ି 

ବରଷା ଆସଇ.    ଧରଣୀ ହସଇ

     ଅନ୍ଧକାର ଘଟିଲାଣି ।