ଭାବର ବନ୍ଧନ ଭାବର

ଭାବର ବନ୍ଧନ ବାଏସ ଚନ୍ଦନ 

ମହ ମହ ବାସୁଥାଏ

ଭାବେ ବାନ୍ଧିଦେଲେ ଭାବ କୁ ମଧୁର

ଅମୃତ ହେଇ ଯାଏ ।

ଭାଇ ଭଉଣୀର ମଧୁର ସମ୍ପର୍କ

ଓଡ଼ିଆ ସଂସ୍କୃତି ଏହି

ରକ୍ଷା ବନ୍ଧନ ରେ ଆଶିଷ ଢାଳିବା

ଭଉଣୀ ର ଖୁସି ପାଇଁ ।

ବରଷ କୁ ଥରେ ଆସେ ଏ ସୁଯୋଗ

ଭାଇ ଭଉଣୀର ଭାବ

ମୋ ଚକା ଆଖି ବି ବାନ୍ଧି ହୋଇଥାଏ

ଲଗାଇ ସେ ତାର ଭାବ।

ରେଶମୀ ସୁତାର ଡୋରି ନୁହେଁ ଇଏ

ମହା ସେତୁ ସମ୍ପର୍କର 

ଭଉଣୀ ପାଇଁ ଏ ସୁରକ୍ଷା କବଚ

ଭାଇ ସାହା ହୁଏ ତାର ।

ରକ୍ଷା ବନ୍ଧନ ର ସମ୍ମାନ ରଖିବା 

କରିବା ଏହି ଶପଥ

ସବୁ ଭଉଣୀଙ୍କ ମାନ ରକ୍ଷା କରି

ପୁଷ୍ପିତ କରିବା ପଥ ।