ମୋତେ ଶିଖାଇଲା କିଏ ?
ମୋତେ ଶିଖାଇଲା କିଏ ?
ଚିତ୍ର ଚରିତ-6
ନିଷ୍ପାପ ଶରୀର ସରଳ ହୃଦୟ ନେଇ ମୁଁ ଜନମି ଥିଲି,
ବଡ଼ ହେବାପରେ ଖରାପ ମଣିଷ ନାମେ ପରିଚିତ ହେଲି |
ମିଛକଥା କୁହା ମାଉଁସ ଖାଇବା ହିଂସା ଶିଖାଇଲା କିଏ ?
ଅଳପ ଶ୍ରମରେ ବେଶି ରୋଜଗାର ବୁଦ୍ଧି ବତେଇଲା କିଏ ?
ପର ଦରବକୁ ଦେଖି ଜଳିବାକୁ କାହାଠାରୁ ମୁଁ ଶିଖିଲି ?
ପାଠ ନ ପଢି ମୁଁ କପି କଲି ପୁଣି କାହାଠୁଁ ନିଶା ଚାଖିଲି ?
ଆରାମରେ ରହି ଭଲ ଚିଜ ଖାଇ ସ୍ୱାର୍ଥପର ହେଇଗଲି,
ଅନ୍ଧ-ଵିଶ୍ଵାସକୁ ଅସ୍ୱଚ୍ଛ ଆଦରି ତାକୁ ଆପଣେଇ ନେଲି |
ଚୋରି ଡକାୟତି ସହଜ ଉପାୟ ହାଜତକୁ ନାହିଁ ଡର,
ସରକାରୀ ଧନ ଲୁଟିଲି ଅନେକ କଲି କେତେ ଛାରଖାର |
କିଏ ଶିଖାଇଲା ସୁଯୋଗ ବି ଦେଲା ତା' ନାମ କହିବି ନାହିଁ,
ସମାଜର ବଡ଼ ମଣିଷ ସେମାନେ ମୋର ଦୋଷପାଇଁ ଦାୟୀ |