ସ୍ନାନ ପୂର୍ଣ୍ଣିମା

ମହାପ୍ରଭୁ ଜଗନ୍ନାଥ  

   ଆଜି ତୁମ ଜନ୍ମ ଦିନ,

ଜ୍ଯେଷ୍ଠ ମାସ ତାପ କ୍ଳିଷ୍ଟ

   ପୌର୍ଣ୍ଣମାସୀ  ଦେବ ସ୍ନାନ ।

ଭକ୍ତର ବିଶ୍ବାସ ପାଇଁ 

   ହେଲ ବେଶ ଗଜାନନ.

ବର୍ଷେ ଥରେ ମୁକ୍ତାକାଶେ 

    ସ୍ନାନ ବେଦୀ ଦରଶନ ।

ଗରମ ଲାଘବ ହେତୁ

     ଥଣ୍ଡା ଜଳେ କର ସ୍ନାନ

 ଅଦିନିଆ ଶୀତଳତା 

     ଆଣିଲା ଜ୍ବର କମ୍ପନ ।

 କାଲି ଠାରୁ ରହିବ 

    ଅଣସରେ ପନ୍ଦର ଦିନ ,

ଲାଗି ହେବ ଶେଷ ଭୋଗ 

    ନାନାଦି ଅନ୍ନ ବ୍ଯଂଜନ ।

 ଷୋଡଶ ଉପଚାରରେ 

     ପୂଜା ହେବ ସମାପନ ,

  ଏଠାରୁ ଚାଲିବ ତୁମ 

       ନୀତି ଔଷଧି ସେବନ ।

ରହିବ ନିଷେଧ ମୁଖ୍ଯ 

   ଶୁନ୍ଯ ରତ୍ନ ସିଂହାସନ ,

ଶ୍ରୀମନ୍ଦିର ହୋଇଯିବ 

   ଆଜ ଯାତ ଭକ୍ତ ଶୂନ୍ଯ ।

ପ୍ରଚଣ୍ଡ ରେଳ ଧକ୍କାରେ 

   ହରାଇଲେ କେତେ ପ୍ରାଣ ,

ରହିଗଲା ଅବଶୋଷ 

    ପାରିଲେ ନାହିଁ ଦର୍ଶନ ।

ତୁରନ୍ତ ଆରୋଗ୍ଯ କର

    ପୀଡିତ ଆରତ ଜନ ,

କଲ ସହାନୁଭୂତିରେ 

    ଏକ ବାର ମହାସ୍ନାନ ।

ସେହିମାନେ ହେଲେ ଧନ୍ଯ

    ନାଶିଲ ଯା'ର ଜୀବନ ,

ମୁକ୍ତ କର ଶାନ୍ତି ଦିଅ 

    ଏହିମୋର ନିବେଦନ ।

  ଅନ୍ତର୍ଯ୍ଯାମୀ ମହାପ୍ରଭୁ 

       ଭକତର ଭଗବାନ ,

  ଦୟାକର ସବୁ ଜନ 

        ନାଶକର ସର୍ବ ବିଘ୍ନ ।