ଲାଇବ୍ରେରୀ
ପ୍ରୋଫାଇଲ୍
ସେହି ପରା ଭାବଗ୍ରାହୀ
ସେହି ପରା ଭାବଗ୍ରାହୀ
1 min
291
ହୃଦୟ ରେ ରହି ହୃଦୟେ ନ ଥାଇ
ଖେଳ ଖେଳେ ଖରା ଛାଇ
ଲୀଳାମୟ ମୋର ଜଗତ ଠାକୁର
କେତେ ଲୀଳା ରଚୁଥାଇ ।
ସର୍ବ ଘଟେ ରହି କୋଉଠି ନଥାଇ
ବଇଆ କରୁଛି ସେହି
ଲାଗଇ ଜଟିଳ ତତ୍ତ୍ୱ ଟି ସରଳ
ଯିଏ ବୁଝେ ତାର ପାଇଁ
ଭକତ କୁ ଜଣା ତାହାରି ଠିକଣା
ଭକ୍ତ ହୃଦ ନନ୍ଦ ସେହି ।
ଭାବରେ ଡାକିଲେ ଦୌଡ଼ି ଆସେ ଲୋ
ଭାବ ଲଗାଇବା ପାଇଁ
ଭାବରେ ବସନ୍ତି ଅଭାବେ ଚଳନ୍ତି
ସେହି ପରା ଭାବଗ୍ରାହୀ
ଭାବକୁ ଲଗାଇ ଡାକି ଦେଖ ଥରେ
ନିଜର ସେ ଯିବେ ହୋଇ ।
