ଲାଇବ୍ରେରୀ
ପ୍ରୋଫାଇଲ୍
ଉତ୍ତରଣ
ଉତ୍ତରଣ
1 min
172
ଶିଶିରେ ସାଇତା ନେଲ୍ ପଲିସ୍ ପରି
ଜୀବନଟା ହୋଇପଡ଼େ ଶିଥିଳ,
ମନରୁ ଲିଭି ଲିଭି ଆସେ
ପ୍ରଜାପତି ଓ ବସନ୍ତ ର ରଙ୍ଗୀନ ସ୍ୱପ୍ନ,
ଓଠରୁ ଶବ୍ଦ ସବୁ ସରି ସରି ଆସେ -
ନିଜ ଭିତରେ ନିଜେ
ଜମାଟ ବାନ୍ଧିବାର ପ୍ରଚେଷ୍ଟାରେ,
ହୃଦୟରୁ ଚିନ୍ତା ହଜି ହଜିଯାଏ
ଏକାନ୍ତ ସଂଶୟ ଓ
ସଂକୋଚ ର ପରିଧି ଭିତରେ।
କଳସୀରୁ ଅମୃତ ସରି ସରି ଆସେ
ଶୂନ୍ୟତା ଭରି ଭରି ଆସେ,
ପତ୍ର ସବୁ ଝଡି଼ ଝଡ଼ି ଯାଏ
ତଥାପି ହୁଏନି ଯାତ୍ରାରମ୍ଭ
ଏକ ଭିନ୍ନ ଇଲାକା ଉଦ୍ଦେଶ୍ୟରେ.......!
