Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Amita Rath

Others

3  

Amita Rath

Others

ସମୟ ର ନିଃଶବ୍ଦ ପଦପାତ

ସମୟ ର ନିଃଶବ୍ଦ ପଦପାତ

1 min
186


ଫୁଲ ଫୁଟା ଫଗୁଣର ଉଚ୍ଚାଟିତ ମନ,

ଜହ୍ନ ରାତି ଓ ତାରା ଭର୍ତ୍ତି ଆକାଶର ସ୍ୱପ୍ନ,

ଫଳନ୍ତି ଗଛକୁ ଚାହିଁ

କୁରୁଳି ଉଠୁଥିବା ସବୁଜପଣ,

ସବୁ ତ ଅଛି ସେମିତି !

ତେବେ କାଲି ପରି ଲାଗୁଥିବା ବୟସଟା

ଏତେ ଶୀଘ୍ର ଆଗକୁ ବଢ଼ିଗଲା କେମିତି ?

କଅଁଳିଆ ଦରୋଟି ପରିବର୍ତ୍ତେ

ପିଲାଙ୍କ ମୁହଁରେ ଯୁକ୍ତିର ପ୍ରଖରତା ଓ

ବାପ ପୁଅଙ୍କ ପାଦରେ ଜୋତାର ସମାନ ମାପ

ଶରୀରରେ ମୋର ବୋଳିଦିଏ ଅପରାହ୍ନର ଛାପ।

ଧିମେଇ ଯାଇଥିବା ମନ ଘୋଡ଼ା

ବୟସର ବୋଲ ମାନିବାକୁ ଅନିଚ୍ଛୁକ,

କିନ୍ତୁ,ସମୟର ନିଃଶବ୍ଦ ଚାବୁକ ପ୍ରହାରରେ

ଆଗକୁ ବଢ଼ିବା ପାଇଁ ବାଧ୍ୟ....... ।


Rate this content
Log in