ଲାଇବ୍ରେରୀ
ପ୍ରୋଫାଇଲ୍
ଏ ଦେହ ଥିଲେ ସର୍ବ ପାଇ
ଏ ଦେହ ଥିଲେ ସର୍ବ ପାଇ
1 min
279
ମନୁଷ୍ଯ ଜନ୍ମ ମହୀ ତଳେ
ବିଧାତା ଜନ୍ମ କଲେ ହେଳେ ll
ଗଢିଲେ କାୟା ବେଢି ଚର୍ମ
ସୁଧିଏ ଘେନ ଏହା ମର୍ମ ll
ମାତୃ ଗର୍ଭରେ ପିଣ୍ଡ ଥାପି
ଜନ୍ମିଲୁ ମୁଖେ ନାମ ଜପି ll
ଦେହଟି ସର୍ବ ବ୍ୟାଧିଗ୍ରସ୍ତ
ମନଟି ଲୋଭେ ବଶୀଭୂତ ll
ମନର ମୂଳେ ଏ ଜଗତ
ମୋହେ ନ ହେବୁ ବଶୀଭୂତ ll
ଦେହଟି ମନ୍ଦିର ସମାନ
ରଖ ସର୍ବଦା ପରିଚ୍ଛନ୍ନ ll
ସୁସ୍ଥ ସବଳ ଦେହେ ମନ
ଈଶ୍ବର ସଦା ବିଦ୍ୟମାନ ll
ରହିଲେ ଦେହ ନିରାମୟ
ଜପିବୁ ହରି କରିଧ୍ୟାୟ ll
ଏ ଦେହ ଥିଲେ ସର୍ବ ପାଇ
ଜ୍ଞାନ, ଭକତି, ଧର୍ମ ଧ୍ୟାୟୀ ll
ଦେହର ବଳେ ବୁଦ୍ଧି ଲାଭ
ମନୁଷ୍ଯ ଜନ୍ମ ଯେ ଦୁର୍ଲଭ ll
ଏ ଦେହ ପ୍ରାଣେ ହରି ବାସ
ସର୍ବଦା ରଖ ତୁ ବିଶ୍ବାସ ll
କହଇ ସହଦେବ ଛାର
ଦୋଷ ମୋ ବାରେ କ୍ଷମା କର ll
