ବାଟ ଭାଙ୍ଗିଗଲୁ

ଭଲ ପାଏ ବୋଲି ଭୂଲି ମୁଁ ପାରୁନି 

    ଗଲୁ ଛାଡି ଯେବେ ମୋତେ

ନିନ୍ଦା ଅପବାଦ ସହୁଛି ସହିବି 

    ଯିଏ ଯାହା କହୁ ମୋତେ ।

ତୋ ପାଇଁ ଗଢିଛି  ହୃଦୟେ ମନ୍ଦିର 

     ଦେଇନି ଦରଜା କିଳି

ଯେତେ ଦୂରେଇଲେ ପାଉଥିବି ଭଲ

     ଯିଏ ଯେତେ ଦେଉ ଗାଳି ।

ମୋ ପ୍ରେମର ମୂଲ କରିଗଲୁ ତୁଚ୍ଛ 

     ଆଉ କା ପ୍ରେମରେ ପଡି

ଧନ ଦଉଲତ ତଉଲି ବସିଲୁ 

     ମୋ ପ୍ରେମକୁ ଦେଇ ମାଡି ।

     

Advertisement

ତୁ କାହିଁ ବୁଝିବୁ ପ୍ରେମର ମହତ 

     ପ୍ରେମ ଯେ ଚିର ଶାଶ୍ବତ 

କୁହୁଡି ପରିଏ ଦୁନିଆଟା ମିଛ 

      ପ୍ରେମ ଏକା ଧୃବ ସତ ।

      

ତୋ ସୁନ୍ଦର ରୂପ  ଯଉବନ ମୋତେ 

     କରିନି ପାଗଳ ପ୍ରେମୀ

ତଥାପି କାହିଁକି  ଭଲ ଲାଗୁ ମୋତେ 

     ହେଲି ତୋର ଅନୁଗାମୀ ।

ଭଲ ପାଇବାର ମହକ ଭିତରେ 

   ଯାଇଛି ମହୁଆ ହୋଇ

ବାଟ ଭାଙ୍ଗିଗଲୁ ଆଉ କାହା ସାଥେ

   ଅଧାବାଟେ ମୋତେ ଥୋଇ ।