ମନେପଡେ

ମନେ ପଡେ ଆଜି  ତୁମ କଥା ଭାରି

   ଦୁର୍ଗା ପୂଜା ଭିଡ ଭିତରେ

ମୋ ହାତକୁ ଛନ୍ଦି  ଦେହକୁ ଭିଡେଇ

   ବୁଲୁଥିଲ ଖୁସି ମନରେ ll1

ଏସନ ପୂଜାକୁ  ବରଷେ ପୁରିଲା

    ଦଶରା ପୂଜାର ଭିଡରେ

ତମକୁ ଖୋଜୁଛି ଏଣେ ତେଣେ ବୁଲି

     ପାଉନାହିଁ ଆଉ ଏଠାରେ ll 2

ଦେଇଥିଲି କିଣି ନାଲି ଶଙ୍ଖା ଚୂଡି

    କାନକୁ ସୁନାର ଫାଶିଆ

କେଉଁ ନାଗରକୁ ପ୍ରେମ ଦାନ କଲ 

    ମୋତେ କଲ ହୀନିମାନିଆ ll 3

କେତେ କଥା କହି  ଗୁପ୍ ଚୁପ୍ ଖାଇ

    କରିଥିଲ ମନକୁ ଚୋରି 

ସ୍ୱପ୍ନ ପରି ଲାଗେ  ଆଜିସବୁ ମୋତେ

    ଯେବେ ହେଲ ଆଉ କାହାରି ll4

ଅଳତା ଲଗା ସେ  ପାଦ ଦୁଇଟାକୁ

    କିଣି ଦେଇଥିଲି ସ୍ୟାଣ୍ଡଲ

ଦିନ କେଇଟାରେ  ବାଟ କାଟି ଦେଇ

    ଅବାଟକୁ ତମେ ଧାଇଁଲ ll 5

ଜରି ପକା ଶାଢୀ   କିଣି ଦେଇଥିଲି

    ଚନ୍ଦ୍ରଚୂଡ ହାର ବେକକୁ 

କାହା ଘର ବୋହୁ ସାଜିଲ ସୁନ୍ଦରୀ 

    ଧୋକା ଦେଇ ମୋର ପ୍ରେମକୁ ll 6