ନଦୀ ପଠାତୀରେ

ନଦୀ ପଠାତୀରେ 

କାଶତଣ୍ଡୀ ଫୁଲେ 

      ଗଢନ୍ତି ନୂଆ ସହର

ନିରିମଳ ଜଳେ 

ସିନାନ କରନ୍ତି 

     ହୁଅନ୍ତା କି ଭାଗ୍ଯ ମୋର ll 1

ନଉକା ବିହାର 

କରନ୍ତି ନିଇତି 

     ଧରନ୍ତି ନଦୀରୁ ମାଛ 

ନଦୀ କୂଳେ କୂଳେ 

ନାନା ପରକାରେ

     ଲଗାଇ ଦିଅନ୍ତି ଗଛ ll2

ପାହାଡ ଉପରୁ 

ପାହାଡି ଝରଣା 

      କୂଳୁ କୂଳୁ ଗାନ ଶୁଣି 

ଦୁଃଖ କଷଣକୁ 

ଭୂଲି ମୁଁ ଯାଆନ୍ତି 

      ପିଇ ତା ମଧୁର ପାଣି ll3

ସୁରୂଯ ଉଇଁଲେ 

ବନାନୀ ହସିବ 

      ହସିବ ମୋ ମନ ଥିରି 

ବରଷା ଆକାଶେ 

ଇନ୍ଦ୍ରଧନୁ ଖେଳେ 

      ମେଲାଇ ତା ରଙ୍ଗ ଦରି ll4

କୁଳୁକୁଳୁ ନାଦେ  

ନିର୍ଝରିଣୀ ନାଚେ 

       କୁହୁକୁହୁ ରଟେ ପକ୍ଷୀ 

ମନଲୋଭା ତୋର 

ଶରତ ସୁଷମା 

       ମନ ରହିଯାଏ ଲାଖି ll 5