ଝରକା ସେପାଖ ଝିଅ

ଆମ ଝରକାରୁ ତୋ' ଘର ଝରକା

ଦୂରତା ବା' କହ ଆମକେତେ

ତୁ'ବି ଦେଖୁଛୁ ମୋତେ ଲୋ ସୁନ୍ଦରୀ

ମୁଁ"ବି ଦେଖୁଛି ତୋତେ ।

ବାହାରେ ଦେଖୁଛୁ ଅମାନିଆ ବର୍ଷା

କେମିତି ସାଧୁଛି ଦାଉ

କହିଥାନ୍ତି ଯାହା ମନଖୋଲି ତୋତେ

କହି କି'ପାରିବି ଆଉ ।

ବିଜୁଳି ଚମକେ ଘଡଘଡି ସାଥେ

ବହୁଛି ଶୀତଳ ବାଆ

ପାଣି ସୁଅ ଧାରେ ଭାସିଯାଏ କେଉଁ

ଲଙ୍ଗଳା ଛୁଆର ନାଆ ।

ଚାଳିଆର ପାଣି ଟପ୍ ଟପ୍ ହୋଇ

ଅଗଣାରେ ପଡେ ଝରି

ଠକ୍ ଠକ୍ ପଡେ ସରଗ ପଥର

ନୀରବତା ଛାତି ଚିରି ।

ଧୀର ପବନରେ ତୋ'ଦେହର ଗନ୍ଧ

ମୋ" ଦେହକୁ ଛୁଇଁଯାଏ

କେମିତି କହିବି ଆଗୋ ପ୍ରିୟତମା

ତୋତେ ମୁହିଁ ଭଲପାଏ ।