ବଢିଲା ଲୋକଙ୍କ ଦୁଃଖ

 ବଢିଲା ଲୋକଙ୍କ ଦୁଃଖ

କରାଳ କରୋନା ଗ୍ରାସିଲା ଧରା

ଲକ୍ ଡାଉନ୍ ରେ ପୃଥିବୀ ସାରା ।

ଖଟିଖିଆଙ୍କର ଦୁଃଖ ଦୁର୍ଦ୍ଦଶା

ଛାଡିଲେଣି କେତେ ଜୀବନୁ ଆଶା ।

ସମୁଦ୍ର ପଥରେ ନଉକା ବାହି

ଘରମୁହାଁ ଡର ଜୀବନେ ନାହିଁ।

ସଭିଏଁ ବିକନ୍ତି ପରିବା ଫଳ

କିଣିବାକୁ କା'ର ଅଛି ବା ବଳ !

ଭୂତାଣୁ ସାଥିରେ କାଳେ ଆସିବ

ଥୋକେ ଭୁଲିଲେଣି ବଜାର ଦ୍ରବ୍ୟ।

ଚୁଳ ବଢିଲାଣି ଋଷି ପରାୟେ

ସେଲୁନ୍ ବିପଦ ଅଧିକ ଭୟେ।

ଅତ୍ୟାବଶ୍ୟକ ସଜ୍ଞା ନିରୂପଣ

ସୃଷ୍ଟି କଲାଣି ସମସ୍ୟା ଭୀଷଣ ।

ଓପିଡିରେ ତାଲା ମେଡିକାଲରେ

ରୋଗ ଲୁଚିବ କି କରୋନା ଡରେ ! 

ସର୍କାରୀ ସାହାଯ୍ୟ ଶଙ୍ଖେ ସମୁଦ୍ର

ଶୁଖିଲା ପାଗରେ ହେବ କି ଆର୍ଦ୍ର !

ସରକାର ବସି ଭାଳେଣି କରେ

ଲକ୍ ଡାଉନ୍ କୁ ଖୋଲି ନ ପାରେ ।

କୋଡିଏ କୋଡିଏ ବରଷ ଯାକ

ଲକ୍ ହୋଇ କିବା ଲାଗିବ ଜଙ୍କ !