ବାୟୁ
ବାୟୁ
ପଞ୍ଚଭୂତେ ସାର ବାୟୁ ମହାବର
ନିରନ୍ତର ବହୁ ଥାଇ
ଜୀବ ଜଗତକୁ ଶୀତଳତା ଦେଇ
ତୃପ୍ତ କରିଥାଏ ସେହି l
ପ୍ରୀତିର ପରଶ ବାଣ୍ଟି ଥାଏ ସିଏ
ଈଶ୍ଵରଙ୍କ ସତ୍ତା ପରି
ସବୁ ସ୍ଥାନେ ସିଏ ପହଞ୍ଚିଥାଏ
ଉପକାରୀ ବନ୍ଧୁ ପରି l
ଶ୍ୱାସ ପ୍ରଶ୍ୱାସରେ ବହୁ ଥାଏ ନୀତି
ଜୀବନ ପରି କା ତହିଁ
ବାୟୁ ନ ଚଳିଲେ ଜୀବନ ଯେ ଶେଷ
ପୁରି ଯାଏ ବେଳ ଯହିଁ l
ବାୟୁମଣ୍ଡଳରୁ ବାରିଦର ସୃଷ୍ଟି
ଜଳ ବାୟୁ ନିୟନ୍ତ୍ରଣ
ବୃଷ୍ଟି ଜଳ ଧାରେ କୃଷକ ଉଚ୍ଚନ
ନାଚି ଯାଏ ତନୁ ପ୍ରାଣ l
ବର୍ଷା ସାଥିରେ ବତାଶ ବହିଲେ
ଅଣଚାଷ ବେଗ ହୋଇ
ପ୍ରଳୟ ଆସଇ ସୃଷ୍ଟିକୁ ବିନାଶି
ଭୟଙ୍କର ରୂପ ନେଇ l
ବାୟୁ ହେତୁ ଜାନ ଚାଲୁ ଥାଏ ନୀତି
ଦୂର ଯାତ୍ରା ହୁଏ ସାଧ୍ୟ
ବିମାନ ଉଡଇ ଆକାଶ ମାର୍ଗରେ
ହୋଇ ଅଛି ଜ୍ଞାତ ବୋଧ l