ବାକିସବୁ ଅଢେଇ ଦିନିଆ
ବାକିସବୁ ଅଢେଇ ଦିନିଆ
କର୍ଷଣ ବିନା ଜମିବାଡି ପଡିଆ
କଷଣ ବିନା ପୁଅଝିଅ କୋଢିଆ
ସଂଘର୍ଷ ବିନା ସୂର୍ଣ୍ଣିମ ଇତିହାସ
ସଂଘାତ ବିନା କାଳଜୟୀ ଉପନ୍ୟାସ
ସବୁ କ୍ଷଣିକ ଅଳିକ ଅଳପ ଦିନିଆ ।
ବର୍ଷଣ ବିନା ସୁଜଳା ସୁଫଳା କ୍ଷେତ
କାରଣ ବିନା କଳି କଜିଆ ଯୁଦ୍ଧ ଅନ୍ତ
କରୁଣା ବିନା ସ୍ନେହ ପ୍ରେମ ଶ୍ରଦ୍ଧା ବେକାର
ବାରଣ ବିନା ସାଇତା ଅନୁଚିନ୍ତା ଫେରାର
ସବୁ କିଛି ଲାଗୁଛି ସ୍ଵଳ୍ପ ମିଆଦିଆ ।
ଭାଷଣ ବିନା ଅନୁଚିନ୍ତା ଅବ୍ଯକ୍ତ
ରାଷଣ ବିନା ତଣ୍ଡୁଳ ଭୋଜ୍ଯ ଅରନ୍ଧ୍ୟ
ଭଜନ ବିନା ଭକ୍ତିରସ ଅକଥ୍ୟ
ଭୋଜନ ବିନା ଶକ୍ତିରଥ ଅଗମ୍ୟ
ସବୁ କିଛି ହେବ ନିତି ଦିଆନିଆ ।
କଳ୍ପନା ବିନା ଜୀବନ ଗତିମୟ
ଜଳ୍ପନା ବିନା ସମୟ ସ୍ବପ୍ନମୟ
ତ୍ୟାଗ ବିନା ବନ୍ଧୁତ୍ୟ ଔଜ୍ଜଲ୍ୟମୟ
ସହ୍ୟ ବିନା ପରିବାର ଅମୃତମୟ
ବାକି ସବୁ ଲାଗୁଛି ଅଢେଇ ଦିନିଆ ।