ବାଇଶି 'କ' ପଣକିଆ ଗୀତ

ବାଇଶି ଏକେ ବାଇଶି,

କି ଖରା  ହେଉଛିରେ  ବେଶୀ l

ବାଇଶି ଦୁଗୁଣେ  ଚଉରାଳସି,

ମୁଣ୍ଡରୁ  ଝାଳ  ପଡୁଛି  ଖସି l

ବାଇଶି  ତିରିକି  ଛଷଠି,

ଅଠା ଅଠା  ଲାଗୁଛି  ମୋ ପାଟି l

ବାଇଶି  ଚଉକୁ   ଅଠାଅଶୀ,

ଝାଳ ସବୁ  ପୋଷାକରେ  ଯାଏ ମିଶି  l

ବାଇଶି  ପଞ୍ଚା  ଶହେ -ଦଶ,

ଦେହରୁ  ଝରେ ସୁଗନ୍ଧ  ବାସ l

ବାଇଶି  ଷୋକୋ ଶହେ - ବତିଶୀ,

ଝାଳ  ପୋଛି  ଯାଏ   ଦିବାନିଶି  l

ବାଇଶି  ସତା  ଶହେ  -ଚଉବନ,

ଘିମିରି  ରାମ୍ପି ରାମ୍ପି  ଯାଏ ଦିନ l

ବାଇଶି  ଅଷ୍ଟା  ଶହେ -ଛଅସ୍ତରୀ,

ଡହକ ବିକଳ  ଲାଗୁଛି  ଭlରି  l

ବାଇଶି  ନୂଆଁ  ଶହେ - ଅଠାନବେ,

ଖରା  ଦିନ  ଶୀଘ୍ର  ଯିବ  କେବେ l

ବାଇଶି  ଦଶା  ଦୁଇ  ଶହ -କୋଡିଏ,

ନଡ଼ିଆ ବାଡେଇବି ମୁଁ  ଯୋଡିଏ l