ଆମ ମାତୃଭୂମି ଓଡିଶା
ଆମ ମାତୃଭୂମି ଓଡିଶା
ଆମ ମାତୃଭୂମି
ଓଡିଶା... ଓଡିଶା... ଓଡିଶା
ଆମ ମାତୃଭାଷା
ଓଡ଼ିଆ... ଓଡ଼ିଆ... ଓଡ଼ିଆ l(0)
ଯାର କୋଳରେ
ଛୋଟରୁ ବଡ଼ ହୋଇଛେ
ଯା'କୁ ସେବିବାକୁ
ରାଣ ଆମେରେ ଖାଇଛେ l
ସେ ହେଉଛି ପରା
ମମତାମୟୀ ମୋ ଜନନୀ
ରୂପେ ଅନୁପମା
ଯାହାର ସବୁଜ ବନାନୀ l
ଦିଶଇ ଆମକୁ
ବଢିଆ... ବଢିଆ... ବଢିଆ...|(1)
ତାର ବକ୍ଷ ଚିରି
ପ୍ରବାହିତ ସବୁ ହୁଅଇ
ଯେତେ ନଦନଦୀ
କୁଳୁକୁଳୁ ତାନେ ବହଇ l
ଯେତେ ତୀର୍ଥ ସ୍ଥାନ
ପାଇଁ ଯେ ବିଖ୍ୟାତ ଅଟଇ
ପ୍ରାକୃତିକ ଶୋଭା
କି ସୁଷମା ତାର ଦିଶଇ l
ତା ପାଦରେ କୋଟି
ମୁଣ୍ଡିଆ... ମୁଣ୍ଡିଆ... ମୁଣ୍ଡିଆ l(2)