ଅଟକି ଯାଆରେ ବାଇ ମନ

ଅଟକି ଯାଆରେ ବାଇମନ ଟିକେ

ଏପରା ପତ୍ର ଝଡାର ବେଳ

କଣ ଆଣିଥିଲୁ କଣ୍ ନେଇଯିବୁ

ଦିନେ ସବୁର ସରିବ ଖେଳ ।

ମୋରମୋର କହି ଯାହା ସାଉଁଟୁଛି

କିଛି ବି ନୁହେଁ ତ ତୋର

ଖାଲି ହାତ କରି ଆସିଥିଲୁ ଧରାକୁ

ଖାଲି ହାତେ ଫେରିବାର ।

କାହିଁକି ବାଇଆ ହେଉଛୁରେ ମନ

ଧନପଛେ ଧାଇଁ ଧାଇଁ

ଅଟକି ଯା' ଟିକେ ପାପ ପଶରାରୁ

ଦେଖୁଛି ରେ ଜଣେ କେହି ।

ହୃଦୟକୁ ଥରେ ଉନ୍ମିଳିତ କରି

ଖୋଲି ଦେ ଜ୍ଞାନର ଚକ୍ଷୁ

ମନ ତୋର ଧନ ଅଟକି ଯିବରେ

ପାଇବୁ ତୁ' ପରମାତ୍ମା ଙ୍କୁ ।

ସମୟ ଚାଲିଛି ତୁ' ବି ଚାଲିଛୁ

ଧରି ତୋ ପାପର ପେଡି

ସମୟଟା ଯେବେ ଯିବରେ ଅଟକି

ଆତ୍ମା ଚାଲିଯିବ ପରମାତ୍ମା ପାଶେ

ସବୁ ଥିବ ଏଠି ପଡି ।

ସମୟ ସରିବା ଆଗରୁ ମନରେ

ଟିକିଏ ଅଟକି ଯାଆ

ହୃଦୟୁ ଫୋଫାଡେ ମୋହମାୟା ରଜ୍ଜୁ

ପରକୁ ଆପଣା କରି ବା ଶିଖିଯା

ଈଶ୍ବର ହୋଇବେ ସାହା ।