ଅସୁରକ୍ଷିତ ପରୀ

ଅସୁରକ୍ଷିତ ପରୀ ସୁରକ୍ଷା ମାଗେ ଆଜି

ସ୍ୱାଧୀନତା ସତେ ତାର କେଉଁଠି ଯାଇଛି ହଜି ।

କେବେ ଜନ୍ମିବା ପୂର୍ବରୁ ତାକୁ ମାରି ଦିଆ ଯାଉଛି

ପୁଣି କେବେ ଜନ୍ମିବା ପରେ ଫିଙ୍ଗି ଦିଆ ଯାଉଛି ।

କେବେ ନିଜ ଘରେ ହିଂସାର ଶିକାର ହେଉଛି

କେବେ ରାସ୍ତାରେ ରାକ୍ଷସ କବଳିତ ହେଉଛି ।

କେବେ ଶିକ୍ଷା ପାଇବାରୁ ବଞ୍ଚିତ ହେଉଛି

କେବେ ଯୌତୁକଜନିତ ଯୂଇ ରେ ଜଳୁଛି ।

କେବେ ନିଜ ପାଇଁ ଲଢ଼ି ଲଢ଼ି ମରୁଛି

କେବେ ଅନ୍ୟ ପାଇଁ ବଞ୍ଚି ବଞ୍ଚି ମରୁଛି ।

କେବେ ଅଚିହ୍ନା ଲୋକ ତା ଶରୀର ଖାଉଛନ୍ତି

କେବେ ଚିହ୍ନା ଲୋକର ହାବୁଡରେ ପଡୁଛି ।

ଦେଶ ସ୍ୱାଧୀନ ହେବା ର ଏତେ ବର୍ଷ ପରେ ମଧ୍ୟ

ପରୀ ଟି ଅସୁରକ୍ଷିତ ପରିଚୟ ପାଉଛି ।