ଅପେକ୍ଷା
ଅପେକ୍ଷା
ବିତିଯାଏ ଦିନ ବିତିଯାଏ ରାତି
ଅଧୁରା ଏ ମନ କଥା
କାନ୍ଦୁଥାଏ ମନ ଭିଜୁଥାଏ ରାତି
ଗାଏ ଅପେକ୍ଷାର ବାର୍ତ୍ତା ।
ପଥ ଚାଲୁଥାଏ ପଛକୁ ନ ଫେରି
ବାଟୋଇ ଟିଏ ସେ ସାଜି
ଆଖିର ଲୁହକୁ ସାଥି ବନେଇଛି
ତୁମ ଅପେକ୍ଷାରେ ଆଜି ।
ଆତଙ୍କିତ ହୋଇ ବାଟ ବଣାହେଲି
ଶୁଣିଲି ଶୂନ୍ୟତା ଗର୍ଜନ
ଆକୁଳ ନିନାଦ ଚିତ୍କାର ତାହାର
ଖାଇଗୋଡ଼ଉଛି ନିର୍ଜନ ।
ଆୟୁ ସୂର୍ଯ୍ୟ ସେତ ଢଳିଢଳି ଯାଏ
ତରୁଣ ଉଛୁଳା ପ୍ରୀତିରେ
ଧୀରେ ଧୀରେ ପାଦ ଖସିଖସି ଚାଲେ
ଜୀବନର ଚୋରା ବାଲିରେ ।
ଅପେକ୍ଷାରେ ତୁମ ଆଜିବି ରହିଛି
ଶ୍ରୀହୀନ ହୋଇଛି ହୃଦୟ
ଯନ୍ତ୍ରଣା ର ସୁଅ କରେ କଲବଳ
ଲିଭୁଛି ଜୀବନର ଅଭିସାର ।
ସର୍ଣ୍ଣିମ କିରଣ ଖେଳିଯିବ ଦିନେ
ତରଙ୍ଗ ସାଜି ହୃଦୟେ
ଅପେକ୍ଷାରେ ଅନ୍ତ ଘଟିଯିବ ପୁଣି
ପାହାନ୍ତି ଉଷାର ସ୍ପର୍ଶରେ ।