ଶେଷ ବସନ୍ତର ଚିଠି

  

"ସୁବର୍ଣ୍ଣ କଳସ" ଭାଙ୍ଗିଗଲା ଆଜି 

"ଆକାଶର ଇସାରା "ରେ 

"ଜିଜ୍ଞାସା ର ଦିଗ ଦିଗନ୍ତ" ମରି ମରି ଯାଏ 

"ଅମୃତ ଫଳ" ସନ୍ଧାନରେ |

ହେ ସାହିତ୍ୟର ମହାନ ପୁରୋଧା 

ତବ ଲେଖନୀ ଗଳ୍ପ ଓ କବିତା  

ଶବ୍ଦର ଛନ୍ଦରେ ଗଢ଼ା ଚରିତ୍ର ଘଟଣା 

ଲାଗେ ଜୀବନ୍ତ ତାହାର ସତ୍ତା |

"ସ୍ମୃତି ବିସ୍ମୃତି" ର ଲୁଚକାଳି ଖେଳ ର 

ଘଟିଲା ପରିସମାପ୍ତି 

କିଛି କହିବା ପୂର୍ବରୁ ବୁଝିଥିବା ଦୁଇ ଆଖି 

ଜାଣିଗଲା ସମୟର ଅଫେରା ଗତି |

"ଶେଷ ତାନ୍ତ୍ରିକ ର ସନ୍ଧାନରେ "

ଆଜି ହୋଇଅଛ ନିସ୍ତବ୍ଧ 

"ଶେଷ ବସନ୍ତର ଚିଠି "କୁ ଝୁରିବ 

ଚିରଦିନ ଓଡ଼ିଆ ସାହିତ୍ୟ |