ଅବିଶ୍ରାନ୍ତ ଜୀବନ

ଅବିଶ୍ରାନ୍ତ ଜୀବନ ହଠାତ ସେଦିନ

ପ୍ରଶ୍ନ କଲା ହୃଦୟକୁ 

ଜଳି ଚାଲିଅଛୁ ଦୀପ ଭଳି କାଇଁ 

ଆପଣେଇ ତ୍ୟାଗ ଆଉ ତିତିକ୍ଷାକୁ ।।

କାହିଁ କେଉଁ ଅଜଣା ବାସ୍ନା ଟିକେ ପାଇଁ 

ଧୂପ ଟିଏ ହୋଇ ଜଳି ତୁ ଚାଲିଛୁ

କେଉଁ ହଜାରେ ମୁହୂର୍ତ୍ତକୁ ଭୁଲିବା ପାଇଁକି

ଗୋଟିଏ ମୁହୂର୍ତ୍ତକୁ ଜିଇଁ ଚାଲିଛୁ ।।

କାଳର ସ୍ରୋତରେ ଭାସି ତୁ ଯାଉଛୁ

ନ‌ଉକାଟିଏ ସାଜି 

ସାମ୍ନାରେ ଭଉଁରୀକୁମ୍ଭୀର ଟେ ପରି 

ରହିଛି ତୋ ବାଟ ଚାହିଁ।।

ଅନ୍ତର ତଳେ ତୋ ଘୋଟୁଛି କାଳିମା 

ଶୂନ୍ୟତା କରେ ମୂର୍ଚ୍ଛନା 

ଖିନ୍ ଭିନ୍ ହେଉଛି ଆଶା ପ୍ରୟାସ ତୋ 

ବୃଥା ଯେ ସମସ୍ତ ବେଦନା ।।

ଅକୁହା ବିଷାଦ ନିର୍ଝର ଟେ ହୋଇ 

ଲୁଚାଇ ଦେଉଛି ମୁହଁ 

ପ୍ରେମିକ ନିର୍ଝର ବୁଝି କି ପାରିବ 

ତୋ ଅନ୍ତର ତଳର କୋହ ।।