ଭିଜାରାତ୍ରିର ବାସ୍ନା

ମୁଁ ଫୁଲ ନୁହେଁ ଯେ

ବାସ୍ନାରେ ଭରିଦେବି ତୁମ ମନ

ମୁଁ ଏମିତି ଏକ ସ୍ଵର

ମୋତେ ଅନୁଭବ କର,

ମୋତେ ଅନୁଭବ କର,

ଲିଭିଯିବ ଯନ୍ତ୍ରଣାର ଭୟ ।

ମୁଁ ଭ୍ରମର ନୁହେଁ ଯେ

ସରାଗରେ ଚୁମି ଦେବି ତୁମ ଓଠ

ମୁଁ ଏମିତି ଏକ ସ୍ଵପ୍ନ 

ମୋତେ ଅନୁଭବ କର,

ମୋତେ ଅନୁଭବ କର....

ଗଢ଼ିଉଠିବ ପ୍ରେମର ସହର ।

ମୁଁ ପକ୍ଷୀ ନୁହେଁ ଯେ 

ଶୂନ୍ୟରୁ ମହାଶୂନ୍ୟକୁ ଉଡ଼ିଉଡ଼ି ସମ୍ବାଦ ଆଣିବି

ମୁଁ ଏମିତି ଏକ ଦୂତ

ମୋତେ ଅନୁଭବ କର,

ମୋତେ ଅନୁଭବ କର....

ଦେଖିବ ! ତୁମ ସହ ଏ ପୃଥିବୀ ହସିବ ।

ମୁଁ କବି ନୁହେଁ ଯେ 

ଗୁନ୍ଥିଦେବି ଶହସ୍ର କବିତାର ମାଳ

ମୁଁ ଏମିତି ଏକ ଆଶା

ମୋତେ ଅନୁଭବ କର,

ମୋତେ ଅନୁଭବ କର....

ଭାଙ୍ଗିବିନି କେବେବି ଭରସା ।

ମୁଁ କବିତା ନୁହେଁ ଯେ

ପ୍ରତିଥର ତୁମ ହୃଦୟ ମନ୍ଦିରେ ଭାବ ହୋଇ ଫୁଟିବି

ମୁଁ ଏମିତି ଏକ ରୂପ

ମୋତେ ଅନୁଭବ କର,

ମୋତେ ଅନୁଭବ କର....

ମିଳିଯିବ ମିଳନର ମାନେ ।

ମୁଁ ନଈ ନୁହେଁ ଯେ 

ସାଗରୁ ମହାସାଗରକୁ ମିଶିବାର ଠିକଣା କହିବି

ମୁଁ ଏମିତି ଏକ ଛାଇ 

ମୋତେ ଅନୁଭବ କର,

ମୋତେ ଅନୁଭବ କର....

ରହିଛି,ରହିଥିବି ତୁମରି ପାଇଁ ।।