ଲାଇବ୍ରେରୀ
ପ୍ରୋଫାଇଲ୍
ପ୍ରିୟା
ପ୍ରିୟା
1 min
193
କୋହ ଭରା କଣ୍ଠେ କହୁଛି ପ୍ରିୟା ମୁଁ
ପକାଇ ତୁମରି ରାଣ
ସବୁ ଲାଗେ ଆଜି ଏ ଜୀବନେ ତୁଛ
କାନ୍ଦଇ ମୋର ପରାଣ !!
ତୁମେ ଗଲା ପରେ କି କହିବି ଆଉ
ମୋ ମନ ଲାଗୁନି ଜମା
ଫଟୋଟା ତୁମର ଦେଖି ଦେଖି ମୁହିଁ
ଦିନ କାଟେ ତୁମ ବିନା !!
ଭଅଁର ଆସୁନି ଫୁଲବି ବାସୁନି
ଜହ୍ନ ଲାଜ କରେ ନାହିଁ
ମଳୟ ପବନ ହୋଇଲାଣି ଥିର
କାକ ପିକ ଡାକୁନାହିଁ !!
କି କହିବି ଆଉ ମୋ ମନର ବ୍ୟଥା
ତୁମେ ପରା ସବୁ ଜାଣ
ଫେରି ଆସ ତୁମେ ଆଉ ଥରେ ପ୍ରିୟା
କିଣି ନିଅ ମୋର ମନ !!
