ଧର୍ମର ଦ୍ୱାହି

ଧର୍ମ ଏକ ପୋତ ଗଢ଼ିଛନ୍ତି ଵିଧି 

ତରିବାକୁ ଏଇ ସଂସାର ବାରିଧି 

ଧର୍ମ ଅଧର୍ମର ସଂସାର ଏହି 

ବୁଝନ୍ତିନି କେବେ ଧର୍ମକୁ କେହି 

ଅଧର୍ମ ପଥରେ ସମସ୍ତେ ଚାଲି 

ଦେଉଛନ୍ତି ଧର୍ମ ଭାଷଣ ଖାଲି 

କଳି ଯୁଗେ ଧର୍ମ ଅଧର୍ମ ସାଥେ 

ବଞ୍ଚିଛି ସତ୍ୟ ମିଥ୍ୟାର ପଥେ 

ଯିଏ କରେ ଧର୍ମ ପୁଣ୍ୟ ଅର୍ଜନ 

ତା ସାଥେ ହୁଅଇ ଅଧର୍ମ କର୍ମ 

ପର ପୁରୁଷରେ ରାତି ବିତାଇ 

ନାରୀ ସତୀବ୍ରତା ନିଜେ ବୋଲାଇ 

ଅଧର୍ମ ପଥରେ ବଢ଼ାଇ ବିତ୍ତ 

ସାଧୁ କହେ ଧନୀ ଫୁଲେଇ ଚିତ୍ତ 

ଧର୍ମର ଦ୍ୱାହିରେ ଚାଲିଛି ନାବ 

ହିନ୍ଦୁ ମୁସଲିମ ମଧ୍ୟରେ ଭେଦ 

ଅଧର୍ମ ବଢିଲେ ଧରା ପୃଷ୍ଠରେ 

ସଂହାର ହୁଅନ୍ତି ଦୁଷ୍ଟ ମହୀରେ 

ଯୁଗେ ଯୁଗେ ଧର୍ମ ସ୍ଥାପନ ପାଇଁ 

ଜନ୍ମ ନେଲେ ନନ୍ଦ ବାଳ କହ୍ନେଇ