ବନ୍ଧୁ

ସୁଖରେ ଦୁଃଖରେ ହସରେ କାନ୍ଦରେ 

ସଦା ଯିଏ ସାଥେ ଥାଏ 

ସେହି ମୋର ବନ୍ଧୁ ସତରେ ସ୍ୱପନେ 

ପାଖେ ପାଖେ ରହି ଥାଏ !!......(1)

ମେଳା ମହୋତ୍ସବ ଉତ୍ସବ ବ୍ୟସନ 

ରହି ସଙ୍ଗତରେ ମୋର 

କାମରେ ସାହାଯ୍ୟ କରିଥାଏ ସଦା 

ଭାଇ ପରି ଥାଏ ମୋର !!......(2)

ଏମିତିକା ବନ୍ଧୁ ଶ୍ମାଶନ ଘାଟରେ 

ଛାଇ ପରି ଭଲ ପାଏ 

ଜୀବ ଗଲା ବେଳେ କାନ୍ଧେ ନିଏ ବୋହି 

ନିର୍ମାଲ୍ୟ ପାଣି ବି ଦିଏ !!.....(3)

ବନ୍ଧୁ ହେବ ଯଦି ରଖିବ ମହତ 

ସୁଖେ ଦୁଃଖେ ହୋଇ ସାହା 

କେବେ ଭାବିବନି ପର ପରି ତାକୁ 

ଦେଖାଏ ଯେ ମୋତେ ରାହା !!......(4)

ଏମିତିକା ବନ୍ଧୁ ମିଳିଲେ ଜୀବନେ 

ଜୀବନଟା ଧନ୍ୟ ହେବ 

ଯେପରି ସୁଦାମା କୃଷ୍ଣର ବନ୍ଧୁତ୍ୱ 

ଜଗତରେ ରହିଥିବ !!.......(5)