ଅକୁହା ମନ

ଅକୁହା ମନରେ କେତେ କଥା ଅଛି

   କାହାକୁ କହି ପାରେନି

ଆଖିର ଲୁହକୁ ପୋଛି ଦିଏ ହେଲେ

  କୋହକୁ ରୋକି ପାରେନି ।

କାହିଁକି ମନରେ ଆସେ ତୋ ଭାବନା

  ସେ କଥା ଯେ ଜଣା ନାହିଁ

ପଚାରିଛି କେତେ କି ଦୋଷ ମୋର

  କରିଛି କହ କି ପାପ

ମନକଥା ମନେ ରହିଯାଏ ମୋର

  ଚାଲିଥାଏ ଅନୁତାପ ।

କଣ ପାଇଛି କେତିକି ପାଇଛି

  ସେ କଥାତ ଜଣା ନାହିଁ

ସାରା ଜୀବନକୁ କରିଛି ଅପେକ୍ଷା

  କେବଳ ତୋରି ପାଇଁ ।

 ଯୁଆଡ଼କୁ ଚାହେଁ ଯୁଆଡ଼କୁ ଯାଏ

    ସବୁଠି ଦେଖିଛି ତୋତେ

 ମୋ ହୃଦୟର ଏହି କଥାକୁ କିପରି

   ଭୁଲି ଯାଇଛୁ କି ସତେ ।

  ପ୍ରେମର ମାନେ ବୁଝିବା ଆଗରୁ

    ମନକୁ ହଜେଇଦେଲି

  କେବଳ ଯନ୍ତ୍ରଣା ଜାଣି ଜାଣି କାହିଁ

     ଏ ବାଟକୁ ନିଜର କଲି ।

  ପ୍ରତି ମୁହୂର୍ତ୍ତରେ ତିଳ ତିଳ ହୋଇ

     ମୋମନକୁ ମୁଁ ଜାଳି ଦେଲି

   ଭୁଲିବାକୁ ଭାବି ବାର ବାର

     ଖାଲି ତୁମକୁ ମୁଁ ଖୋଜୁଥିଲି ।

   ଜାଣେ ଆସିବନି ମୋ ପାଖକୁ ତୁମେ

     ହେଲେବି ମନ ବୁଝେନି

  କେତେ ଯନ୍ତ୍ରଣା ପରେବି

      ତୁମକୁ ଭୁଲି ପାରେନି ।

  ଆଜି ଅଛି ମୁଁ ପାଖରେଥାଇବି ନାହିଁ

     ପ୍ରତି ମୁହୂର୍ତ୍ତରେ ତୁମକୁ ଝୁରୁଛି ମୁହିଁ

 ସମୟର ସୁଅ ସତେକି

   ମୋ ପାଇଁ ଅଟକି ଗଲ

 ଅକୁହା ମନରେ କେତେ କଥା ମୋର

 ମୋ ମନରେ ରହିଗଲା ।।