Library
Profile
ମୋ ପରିଚୟ
ମୋ ପରିଚୟ
ଯାହା ରାଗ ଅଭିମାନ ହସ ଲୁହ
ସବୁ ହୋଇଥାଏ
ଲେଖକ ବା କବି ଏସବୁ
କାହାକୁ କହିନଥାଏ
ମନେ ମନେ ଠିକ ମନେ ମନେ ଭୁଲ
ଯାହାବି ତାର ହୋଇଥାଏ
ପ୍ରତିଟି ମୁହୂର୍ତ୍ତର ସାକ୍ଷୀ କେବଳ ଲେଖା
କଲମ କାଗଜ ସେହି କଥା କହିଥାଏ
ଆଖିରେ ତାହାର ବୋହିଯିବା ଲୁହ
କଲମର କାଳି କରି
ମନର ସେହି କରୁଣ ଯନ୍ତ୍ରଣାର ଦୁଃଖକୁ
ସାଧା କାଗଜରେ ଭିନ୍ନ ଭିନ୍ନ ଶବ୍ଦରେ
ତା ଜୀବନର ସେହି ଦୁଃଖ ସବୁ
ଗୋଟି ଗୋଟି ଲେଖେ କାହାଣୀ ପରୀ
ପଢିବା ଲୋକତ ଦୁଇଧାଡ଼ି ପଢି
ମନରୁ ପାସୋରି ଯିବ
ହେଲେ ଯେଉଁ ଲେଖା ଏହି
ଲେଖିକା ଲେଖିଛି
କେତେଯେ କଷ୍ଟମୟ ତାର ଏହି ଜୀବନ
ତାକୁ ତୁମେ ନ ପାସୋରିଯିବ
ତୁମ ପାଇଁ ଯିଏ ଲେଖେ କେତେ ଗୀତ
ଲେଖେ ପୁଣି କେତେ କଥା
ତା ମନ ଭିତରେ ଅଛି କେତେ ଝଡ଼
କେତେ ଯେ ଶବ୍ଦ ଘେରରେ
ବିତେ ସମୟ ତାର
ନିଜ ଦୁଃଖକୁ ଛାତି ତଳେ ଚାପି ରଖି ଯିଏ
ଅନ୍ୟକୁ ହସାଇ ଥାଏ
ନିଜ ଲେଖାରେ ସେ ଶହ ଶହ
ମନକୁ ବାନ୍ଧି ରଖି ଥାଏ
ପ୍ରକ
ୃତ କବି ଓ ଲେଖିକା ସେହି
ମଣିଷ ଟିଏ ହୋଇଥାଏ
ଦୟାକରି ତୁମେ ପଢିବା ଆଗରୁ
ଏକଥା ମନେ ରଖିବ
ଗୋଟିଏ ମୁହୂର୍ତ୍ତ ତୁମେ ଲେଖାର
ମାନେ ନିଶ୍ଚୟ ଖୋଜିବ
କେତେ ଦୁଃଖ ଭରା କରୁଣ କାହାଣୀ
ନିଶ୍ଚୟ ତୁମେ ଜାଣି ପାରିବ
ସମାଜ ତାକୁ କହେ ନିର୍ଲଜ
ତୁ ଯେ ଦୋଚାରୁଣୀ
ହେଲେ ମୁଁ କହିଥାଏ ଅଚିହ୍ନା
ମନକୁ ଯେ ଚିହ୍ନେ
ନିଜର ଦୁଃଖକୁ ଭୁଲି ଯିଏ ଅନ୍ୟ
ଓଠ ରେ ହସ ଫୁଟାଏ
ସେତ କୋଟିଏ ମନର ମାଲିକାଣୀ
ଗୋଟିଏ ଲେଖାରେ ଯିଏ ଏସବୁ
ଭଲପାଇବା ଓ ଦୁଃଖ ଯନ୍ତ୍ରଣା କୁ
ଏକାଠି ବାନ୍ଧି ରଖି ପାରିଛି
ବନେଇବା ସେ ବିଧାତା ନିଶ୍ଚୟ
ତାକୁ ଖୁବ ସୁନ୍ଦର ମନଟିଏ ଦେଇଛି
ହେ ଈଶ୍ୱର ଧନ୍ୟ ତୁମେ
ଧନ୍ୟ ତୁମର ଏ ବିଚାର
ଯାହାକୁ ଗଢିଛ ତୁମେ ଏତେ
ସୁନ୍ଦର ମନଟିଏ ଦେଇ
ନିଜର ଲେଖାର ଯାଦୁରେ ଯେ
ସଭିଙ୍କ ମନକୁ ନିଏ ଆପଣେଇ
ହେ ସୃଷ୍ଟିର ମାଲିକ ସତ ସତ ପ୍ରଣାମ
ହେ ପ୍ରଭୁ ତୁମ ପାଖରେ ମଥା ଯାଏ ନଇଁ
