ତୁମେ ମନେପଡ
ତୁମେ ମନେପଡ
ଅନେକ ହେଲେ ରାତି ଆଖିକୁ ଆସେନା ନିଦ ନିଇତି
ବରଂ ତୁମେ ମନେପଡ
ତୁମେ ମନେପଡ ଭାରି ମନେପଡ ।
ଶେଜରୁ ଉଠିଲେ ଡେରି ରାଗ ଆସିଯାଏ ଭାରି
ଜମା ରାଗି ହୁଏନା
ତୁମେ ମନେପଡ ଭାରି ମନେପଡ ।
ପାଣି ହେଲାଣିକି ଗରମ ଆପେ କହିପକାଏ ହରଦମ
ଥଣ୍ଡାରେ ଚଳିଯାଏ
ତୁମେ ମନେପଡ ଭାରି ମନେପଡ ।
ବୋତାମ ନଥିଲେ ସାର୍ଟରେ ରିଫିଲ ନଥିଲେ ପ୍ୟାନରେ
ନୂଆ କିଣାଯାଏ
ତୁମେ ମନେପଡ ଭାରି ମନେପଡ ।
ସକାଳୁ ଜଳଖିଆ ଥାଳି ବିସ୍କୁଟ ଆଉ ଗିଲାସେ ପାଣି
ବାସ ନେଇନିଏ
ତୁମେ ମନେପଡ ଭାରି ମନେପଡ ।
କାମରେ ଆସେ ଅଳସ ମେଲ ଟୁଇଟର ଲାଗେ ନୀରସ
ଖାଲି ଶୂନ୍ୟତା ଥାଏ
ତୁମେ ମନେପଡ ଭାରି ମନେପଡ ।
ସମୟ ଯାଏନା ଜମା ପିରିଅଡ ଲାଗେ ଲମ୍ବା
ହସି ହୁଏନା
ତୁମେ ମନେପଡ ଭାରି ମନେପଡ ।
ସଞ୍ଜରେ ଆସେନା ଘର ଏକା ରହିବାକୁ ଲାଗେ ଡ଼ର
ଖତେଇ ହୁଏ
ତୁମେ ମନେପଡ ଭାରି ମନେପଡ ।
ନଥାଏ ସିରିୟାଲର ଧମକ ଅପା-ଗାୟତ୍ରୀ-ରାମାୟଣର ମହକ
ନିଉଜ ଫିଲିମ ଥାଏ
ତୁମେ ମନେପଡ ଭାରି ମନେପଡ ।
ପିଆଜ ଗରମ ରୋଟି ଭାତ ଆଚାରରେ ଛୁଟି
ପେଟ ଭରେନା
ତୁମେ ମନେପଡ ଭାରି ମନେପଡ ।
ଫିଲ୍ଟର ବୋତଲ ଖାଲି କ୍ଷୀର ଉତୁରି ଯାଏ କଜାଲି
ଧେତ ତେରିକା
ତୁମେ ମନେପଡ ଭାରି ମନେପଡ ।
ନିଃଶଙ୍ଗ ଜୀବନ ଗଛ ଶୂନ୍ୟ ବନ ନୀର ବିନା ମୀନ
ବଞ୍ଚି ହୁଏନା
ତୁମେ ମନେପଡ ଭାରି ମନେପଡ ।
ପ୍ରିୟା ମୋର ଶ୍ରୀୟା ମୋର କାହିଁ ଗଲ ମୋତେ ଛାଡି କେଉଁ ଆଡେ ଉଡିଗଲ
ଖୋଜି ପାଏନା
ତୁମେ ମନେ ପଡ ବେଶୀ ମନେ ପଡ ।
କାକର ଭିଜା ରେଜେଇ ତାତି ଏକା ଏକା ଶୀତ ରାତି
ରାତି ସରେନା
ତୁମେ ମନେ ପଡ ବେଶୀ ମନେ ପଡ ।
ଅନ୍ଧାର ଘର ତୁମ ଚାଦର ବେଶୀ କନ୍ଦାଏ ଲୋତକ ଧାର
ଲୁହ ମାନେନା
ତୁମେ ମନେ ପଡ ବେଶୀ ମନେ ପଡ ।
ଶୀତ ବଢୁଥାଏ ସ୍ମୃତି ଝରୁଥାଏ ଭୂଲ ମୋର ମାନୁଥାଏ
ବୁଝେଇ ପାରେନା
ତୁମେ ମନେ ପଡ ବେଶୀ ମନେ ପଡ ।
ଆଖି ବୁଜେନା ରାତି ପାହିଯାଏ ଭୂଲ ହେବନି ବାର ବାର କହୁଥାଏ
ଶବ୍ଦ ମିଳେନା
ତୁମେ ମନେ ପଡ ବେଶୀ ମନେ ପଡ ।