ଚାହା କପେ

ଫୁଙ୍କି ଫୁଙ୍କି ପିଇବା ବରଷା ପାଗରେ

ଗରମ ଚାହା ଆସ ଲୋ କୁମାରୀ,

ତା ସଙ୍ଗେ ବିସ୍କୁଟ ଆସଲୋ ଧରି

ପିଇବା ସଜନୀ ଲୋ ମନ ଭରି ।।

ଆଉ କି ଆସିବ ଏଇ ସୁଯୋଗ

ଏଇ ସୁଯୋଗ ଲୋ ହାତଛଡ଼ା କର ନାହିଁ,

ସଖି ଲୋ ବେଗେ ଘରୁ ଆ ପଳାଇ 

ଚାହା ପିଇ ସାରି ଖେଳିବା ଯାଇ ।।

ବେଙ୍ଗ କରେ କେଁ କଟର 

ବୟସ ହେଲାଣି ଆମ ଅଠର,

ଅଠର ଲୋ ନାହିଁ କାହାକୁ ଡର

ଚାଲିଯିବୁ କେବେ ଶାଶୁଘର ।।

ଶାଶୁଘର ଗଲେ ଭୁଲିଯିବୁ ବାପଘର

ପିନ୍ଧୁଥିବୁ ଖାଲି ସୁନା ରୂପାର ମାଳ,

ମନେ ତ ଥିବ ଖାଲି ତୋ ବର

ତୋ ବର ଲୋ କରୁଥିବ ତତେ ଗେଲ ।।