Sriman Bapu

Romance Inspirational


4  

Sriman Bapu

Romance Inspirational


ଆଶଙ୍କା

ଆଶଙ୍କା

1 min 199 1 min 199


କାହିଁ କେଜାଣି ଲାଗୁଛି 

କି ତୁମେ ଆସୁଛ,

ନା ଏ କେବଳ ମନର ଭ୍ରାନ୍ତି ମାତ୍ର ?


ସବୁ ଆକାଂକ୍ଷା, ଅଭିଳାଷା 

ଯେବେ ମଉଳି ଯାଉଥାଏ 

ଧପ୍ କିନା ଜଳିଉଠେ ଆଶା ଟିକିଏ 

ହୃଦୟର କେଉଁ ନିଭୃତ କୋଣରୁ । 


ଭାବିଚାଲେ, ଦେଖିଚାଲେ 

ସ୍ୱପ୍ନ ପରେ ସ୍ୱପ୍ନ ..... 


ନା' ସେ ଆଉ ସ୍ୱପ୍ନ ସବୁକୁ 

ମିଛ ବୋଲି ଭାବିବିନି 

ହେଉ ପଛେ ମିଛ, 

ରକ୍ତ, ହାଡ଼ମାଂସର ଏ କଞ୍ଚାଦେହ ।

 

ତୁମକୁ ନେଇ ମୋର ସବୁ ସ୍ୱପ୍ନ ହିଁ 

ଏକମାତ୍ର ମଧୁର, ଚିରସବୁଜ ବାସ୍ତବ ।


ତୁମକୁ ଦେଖିବା ପୂର୍ବରୁ 

କିଛି ଦେଖିନଥିଲି,

ଏ ପୃଥିବୀ, ଆକାଶ, ଋତୁର ରଙ୍ଗ 

କିଛି ବି ନୁହେଁ । 


ଭଲପାଇ କି ଘୃଣାକରି 

ଶିଖିନଥିଲି କାହାରିକୁ ।

ଏସବୁ ତ ପ୍ରଥମେ 

ତୁମ ଆଖିରେ ଦେଖିଲି,

ତା'ପରେ ପାଇଲି ନିଜ ଆଖିରେ 

ପୁଣି ହୃଦୟ ମନର 

କୋଣ ଅନୁକୋଣରେ ।


ଯେତେ ଯେତେ ନିଜକୁ ଚିହ୍ନିଲି 

ସେତେ ସେତେ ତୁମେ 

ଅପରିଚିତ ରହସ୍ୟ ପାଲଟିଲ । 


ଆଉ କେତେ ଦିନ  

ତୁମ ସ୍ମୃତିକୁ ଆଶା, ଭରସା,

ଛଳନାର ଖାଦ ପାଣି ଦେଇ 

ବଞ୍ଚାଇ ରଖିବି ? 


ଏଇମିତି ଏ ଯୌବନ ଗଡ଼ିଯିବ 

ଆଉ ବାକିତକ ଜୀବନଟା ବି ।


ବେଳେ ବେଳେ ଏଇମିତି 

ଆଶଙ୍କା ମାଡ଼ିବସେ, 

ଚାଲୁଚାଲୁ ଅଚାନକ୍ ଥମିଯାଏ,

ଛେପ ଢ଼ୋକିପାରେନି କି 

ଆଖିପତା ବି ପଡ଼େନି ଆଉ ।

 

ସତରେ କ'ଣ ତୁମେ ଆସୁଛ ?



Rate this content
Log in

More oriya poem from Sriman Bapu

Similar oriya poem from Romance