वटपौर्णिमा

वटपौर्णिमेला सुवासिनी

करतात मनोभावे पूजा

वडाला समजतात पतीला

दीर्घायुष्य देणारा राजा

स्त्रियांसाठी आहे हा

फार खास सण

साजरा होई देऊन

धनधान्य आंब्याचे वाण

मिळावा हाच पती

प्रत्येक जन्मी

हाच ध्यास घेतला

आहे मनी

धागे बांधून वडाला

वाढवी पतीची आयु

विसरू नका झाडं

देतात प्राणवायू

तोडून फांद्या पर्यावरणाला

देऊ नका धक्का

पर्यावरण संवर्धनाचा 

विचार करा पक्का

करा संकल्प वटपौर्णिमेला

एक वडाचे झाड लावण्याचा

हीच पत्नी पुढच्या जन्मांत

स्वतःला मिळण्याचा