वस्त्रहरण नितीचे
वस्त्रहरण नितीचे
काल ते शंभर होते ,आज हजारो झाले
कौरव आज येथे माजले||
वस्त्रहरण नितीचे, मानवतेचे झाले
दुःशासन गल्लोगली दिसू लागले ||
शकुनी,दुर्योधन समाजात जन्मले
स्त्रीचे वस्त्रहरण पुन्हा यांनी केले||
आज धृतराष्ट्र हा बघू लागला
बघून मौन तो झाला||
कृष्ण आता कोणी राहीलाच नाही
कौरव सभा वसली ठायी ठायी||
शिवरायांच्या देशात हे काय घडले
माता बहिणींचे राखणदार हरवले ||
सरकार स्वार्थी,कायदा स्वार्थी
आरोपींची केली जाते येथे आरती ||
शासन हे शिथील झाले
अजब हे कायद्याचे नियम झाले ||
न्यायासाठी नाही तर
सारे राजकारणासाठी लढू लागले
मणिपूरसारखे किती कांड देशात झाले?||