विठूराया माझा हक्क

आज देवळात त्या काळ्याला एकटा सोडला

पाठ करून मी रागाने निरोप घेतला

निघताना नेहमीचा नमस्कार नाही तुला 

उरलंय काय म्हणूनचं तरं त्रागा केला 

नेहमीचंच तुझं मुकेपण

माझ्या प्रश्नांच्या टाचण्या

सोडून तुला अंधारात मनाच्या

मी नवा देवाऱ्हा शोधला

नवीनच देव नवीन त्याची गाथा 

नवीन त्याची भक्ती नवीन आशा

सगळं नवं करतं खूप वेळ गेला 

काहीच नव घडेना पेच जुनाच उरला 

किती बोल लावू माझा शब्द थांबला

सांग विठुराया माझा हक्क नाही संपला

तुझी आठवण नाही असा श्वास नाही घेतला

तुलाही माझा....विसर.. नाही ना पडला..??

जिथं जन्म आहे तिथेच घर आहे

जिथं मन आहे तिथेच राग आहे

या साऱ्या गोंधळात जगाच्या

तुझाच पदर हवाय मला...हट्टाने जगायला...