विठ्ठलाच्या दारी

विठ्ठलाच्या दारी

आली आज वारी

जाहले भक्तीत दंग

वारकरी |

भाव हा भक्तीचा

दिसे ठायी ठायी

वसे तो विठ्ठल

अंतर्यामी |

गळाभेट घेण्या

उत्सुक जाहले

भक्तीत नाहले

पंढरपूर |

विठू माझा सखा

विठू माझी माय

अनाथांचा नाथ

तो हा विठ्ठल |

सावळे हे रूप

वर्णावे ते काय

करकटावरी उभे

अवघे विश्व |

जप माउलींचा

चाले रात्रंदिवस

नाद टाळ-मृदुंगाचा

घुमे आज |

नामाचा जयघोष

अभंगांचा गोडवा

अश्व रिंगणाने

सजे वारी |

वारीचा हा सोहळा

एकदा अनुभवावा

चित्ती वसू द्यावा

फक्त विठ्ठल |