विषय - सारे काही सत्तेसाठी
विषय - सारे काही सत्तेसाठी
आम्ही करूच घोटाळे
तुम्ही आता ते निस्तरा
पाठवू त्याचा मोबदला
नाहीतर उचला बिस्तरा
तुम्ही जगा आम्ही जगतो
घ्या मोबदला बसा चुपचाप
कार्यकर्त्यांनाही जगवतो
बघा गुंडांकडून लागे चाप
खुर्ची आम्हां सर्वात ही प्रिय
त्याहूनि श्रेष्ठ अजून काय हवे
खुर्ची आहे म्हणुन सत्ता आहे
पैशापुढे जमती चमच्यांचे थवे
आमच्या ढेरपोटाला नका हसू
तुमचे गेलेले असें ते खपाटीला
आम्ही तुम्हांवर मग रुसून बसू
मत दिले नाहीत तर आम्हांला
सगळे टेंडर आम्हीच भरणार
ऑफिसरही आमच्या खिशात
तुम्ही फक्त सहीच करणाऱ्यांत
नकाच हासु तुम्ही या मिशात
म्हणूनि आम्हांला निवडून द्या
पाच वर्षे आमची चाकरी करा
आमच्या कायद्यात राहत चला
घरदार तुमचे धनधान्याने भरा
कशासाठी सात पिढ्यांसाठी
सत्ता आहे म्हणून फेकतो शिते
सगळेच हे खुर्चीच्या सत्तेसाठी
पैसा फेकूनच ही जमतील भुते
द्या आम्हांला आताच निवडून
दणक्यात पार्टी करू दारू पाजू
हात जोडतो आम्हीं अधूनमधून
मते मागायला मी कशाला लाजू
कार्यकर्ते पळतील सदा मागेपुढे
चंपाबाईच्या बैठकीत सरंजामाचा
रातीला मुजरा घेऊच चंपाबाईचा
कालच दिला तिला हार लाखाचा