विषय:- भास नव्हे श्वास गं

सततच होत राहतो सखे का

तु जवळ नसल्याचा मज त्रास |

मला चांगले कळून चुकलेय गं

तु माझ्यासाठी आहे खास | |१| |

तुझा निरोप घेतांनाच का मी

सोडतो सारखा उच्छवास ?|

मला का सखे नेहमी वाटतो

हवहवासा तुझाच सहवास | |२| |

माझ्या तुझ्या भेटीत व्याकूळ

तु ही किती सोडतेस नि:श्वास |

मला आपल्या दोघांच्या प्रीतीवर

अगदी मनापासून आहे विश्वास | |३| |

सखे आता आपल्यात नाही मूळी

असणार फक्त तो फसवा भास |

मी आता तर कायमच राहणार

सोबतीला तुझ्या बनून तुझा श्वास | |४| |