विश्वास

विश्वास किती हा जगण्या वरचा

जगण्यातल्या काव्यावरचा

विश्वास किती हा तत्वांवरचा

प्राण गेले तरी अढळ निष्ठेवरचा

विश्वास किती हा सत्तेवरचा

पालटली तरी भोगण्यावरचा

विश्वास किती नौकेचा त्या लाटेवरचा

फेसाळलेल्या समुद्रावरचा

विश्वास किती त्या आणाभाकांवरचा

सात जन्म साथ देण्यावरचा

विश्वास किती त्या मातेवरचा

लेकराला मिळणाऱ्या मायेवरचा

विश्वास किती त्या पर्जन्य राजावरचा

बळीराजाला खुणावणाऱ्या शेतीचा

विश्वास किती त्या सुर्यावरचा

साक्षात धरती मातेचा

विश्वास किती त्या आई बापाचा

सांज समयी साथ देणाऱ्या लेकरावरचा

विश्वास किती त्या अनादि अनंता वरचा

न ढळणाऱ्या श्रद्धेवरचा

विश्वासावरच हे जग चालते

तो आहे म्हणूनच श्वास व आस आहे